• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Obama zirvənin adını dəyişdirəcək

  • Dünya
  • 1 Sentyabr 2015 06:40
  • 298 Baxış
Obama zirvənin adını dəyişdirəcək

ABŞ preizdenti Barak Obama Şimali Amerikanın ən yüksək dağ zirvəsi olan Mount MakKinlinin adını dəyişdirməyi planlaşdırır.

Publika.az xarici KİV-lərə istinadən xəbər verir ki, bu barədə Ağ Evdən açıqlama verilib. Məlumata görə prezident Alyaska ştatına səfəri zamanı zirvənin adını Denali adlandıracaq.

Denali adı Amerika hindularının sözü olub və mənası ən yüksək deməkdir. Cənab Obama Alyaska və Ohayo sakinləri arasında illərdir davam edən münaqişəni yumşaltmağa çalışacaq.

Alyaskalılar 6194 metr hündürlükdə olan dağı illərdir öz aralarında Denali adlandırırdılar. Lakin federal hökumət bu dağa Ohayoda anadan olmuş və prezidentliyin ikinci müddətində qətl edilmiş 25-ci prezident Uilliam MakKinli adını vermişdi.

Hazırki ad zirvəyə 1896-cı ildə verilib. Belə ki, qızıl axtarışları aparan şəxs Alyaskanı kəşf edərkən MakKinlinin prezident seçildiyinin xəbərini alır və dağa onun adını qoyur.

Ağ Evin adın dəyişdirilməsiylə bağlı xəbəri cənab Obamanın üç günlük Alyaskaya səfəri ilə birgə açıqlanıb. Prezident Obama vəzifədə olarkən Alyaskayı ziyarət edən ilk prezidentdir.

Xəbər lenti

DAHA ÇOX XƏBƏR