Dünya
Krım tatarlarının lideri üçüncü dünya müharibəsi ehtimallarını dəyərləndirir
Krım tatarları Mədəniyyət və Yardımlaşma Dərnəyinin rəhbəri Tuncer
Kalkay Publika.Az -a müsahibəsində Krımda yaranmış
vəziyyəti şərh edir
- Krımda hazırkı durum necədir, Rusiyanın işğalından
qurutlmaq üçün nələr edilir?
- Bütün Krım tatarları, həm orda yaşayanlar, həm də vətəndan uzaqda
olan diaspor Rusiyanın işğalını qəbul etmir. Biz bütünlüklə
Ukraynanın ərazi bütövlüyünü dəstəkləyirik. Amma bu gün Krım
tatarları əsrlərdən bəri yaşadığı faciələrlə yenidən üz-üzədir. Hər
bizimi bir ölkənin əraqzisini işğal etdiyi digər ölkədən çıxmasını
gözləyirik. Hazırda Krım tatarları işğal altında verilən heç bir
qərarı tanımır, istər referendum, olsun, istər yarımadanın Rusiyaya
birləşdirilməsi, istərsə də Krımın müstəqil olmasını. Çünki bununla
Rusiya Krım işğalını leqallaşdırmağa çalışır. Bunun üçün də Krım
tatarlarına müəyyən vədlər verirlər. Amma Krım tatarları tarixi
təcrübəyə söykənərək buna aldanmayacaqlar. Buna uyğun olaraq da bu
günə qədər işğala son verilməsi və Ukraynanın ərazi bütövlüyünün
təmin edilməsi mövqeyindən kənara çıxmayıblar. Rusiyanın
cəsarətləndirdiyi şəxslərin ordakı provokasiyalarına da
soyuqqanlılıqla yanaşırlar. Hansısa qarşıdurma yaradacaq
hərəkətlərə yol verməyiblər.
- Rusiyanın cəsarətləndirdiyi şəxslər kimlərdir, onlar
arasında Krım tatarı olanlardan varmı?
- Bu şəxslər Krımda yaşayan pul toplayan ruslardır. Onlar
uniformalarda, əllərində silah gəzir, müharibə istəyirlər və
dəstəyi də birbaşa Rusiyadan alırlar. Amma onlar Krımda yaşayan
rusların əksəriyyəti buna qaşıdır. Güman ki, provokasiya yaradanlar
Krıma kənardan gəliblər və daxildəki özlərinə bənzərlərlə
birləşiblər. Onlar hazırda Rusiyadan aldıqları dəstəklə bizim
insanlarımıza sataşırlar. Küçələrdə gəzir, bağırır, zaman-zaman
münaqişəyə girirlər ki, bu çox təhlükəli vəziyyətdir. Onların da
arxasında Rusiya dayanıb.
- Amma faktiki olaraq Rusiya Krımı işğal
edib.
- Təbii ki, Krımda bir Rusiya işğalı var və biz bu işğalı qəbul
etmirik. Bu beynəlxalq hüquqa qarşıdır. Hesab edirik ki, beynəlxalq
hüquq çərçivəsində bu məsələ həll edilməli və hər kəs buna
çalışmalıdır.
- Krım Qərb və Rusiyanın toqquşması nəticəsində III
dünya müharibəsinin ola biləcəyi ehtimalları müzakirə edilir. Krım
tatarları olaraq sizin mövqeyiniz necədir?
- Bunu heç kim arzu etməz. Üçüncü dünya müharibəsi olsa, burdan heç
kim canlı çıxmayacaq. Bundan bütün dünya zərər görəcək. Belə bir
şeyi ehtimal etmək istəmirəm. Amma bu da faktdır ki, Putinin
hərəkətləri bütün sərhədləri aşır. Bəlkə də o dünyanın diqqətini
çəkməyə, de-fakto durum yaratmağa, öz gücünü artırmağa çalışır.
Lakin bir şeyi yaddan çıxarmaq lazım deyil. Dünya bu günə qədər
edilənləri heç unutmadı. 1944-cü ildə tatarları sürgün edən Stalin
bilsəydi ki, illər keçəcək və insanlar onun etdiklərini heç vaxt
unutmayacaq, bəlkə də bunu etməzdi. Bu gün edilənlər də yaddaşlarda
qalacaq. Ona görə də bunu edənlər ehtiyatlı olmalıdır. Təkcə
özlərini deyil, xalqlarını, dövlətlərini düşünməlidir.
Baxın, 23 fevrala qədər Krımda heç bir hərəkət yox idi.
Ukraynadakı etirazlara da qoşulmurdular. Krım çox sakit idi. Amma
Rusiya bundan yararlandı və sanki nəsə olubmuş kimi Krıma girdi.
Halbuki Krımda yaşayan tatarlarla ruslar arasında həmişə yaxşı
münasibətlər olub, onlar qardaş kimidirlər. Amma Rusiya işğalından
sonra insanlar arasında düşmənçilik yarandı. Universitetlərdə
oxuyan gənclərimiz deyirlər ki, illərdir çox yaxın dost olduqları
insanlar onlara salam vermir, düşmən münasibət bəsləyirlər. Belə
şeylər xalqlar arasında düşmənçilik yaradır. Fərqində deyilər ki,
xalqları, millətləri qarşı-qarşıya qoyurlar və bu mənfi
münasibətlər uzun müddət davam edəcək.
- Bu gün kimlərdən dəstək gözləyirsiniz?
- Bütün dünyadan dəstək gözləyirik. Amma düşünürük ki, bizimlə eyni
tarixi, mədəniyyəti bölüşən xalqlar, dövlətlər birinci addımı
atmalıdır. Xüsusilə Azərbaycan və Türkiyə səsini çıxarmalıdır.
Onlardan bunu gözləmək təbii haqqımızdır. Bəlkə dövlətlər arasında
hər şey siyasətlə həll olunur, amma dövlətlər təmsil etdikləri
xalqları da nəzərə almalıdır. Krımda bizi yox edərlərsə, bizimlə
birlikdə böyük bir mədəniyyət, tarix də yox olacaq. Krım tatarları
heç nə istəmədən, dövlətlər arasında olanlara qoşulmadan insan
haqları, demokratiya mübarizəsi aparırlar. Belə bir mübarizəyə hər
kəs, xüsusilə qardaşlarımız dəstək verməlidir.
Asif Nərimanlı
-
Sosial11:55
Əli Əsədov qərar imzaladı
-
Sosial11:25
Ömrü yarıda, pulu havada qalanlar: Pensiya kapitalı varislərə qaytarıla bilər?
-
Hadisə11:10
Azərbaycanın əməkdar artisti vəfat etdi - FOTO
-
Müsahibə10:15
Diplomu 175 ölkədə tanınan azərbaycanlı: İki illik proses 40 gündə bitdi
-
Region09:20
Tavuşda etiraz başladı: Ermənilər İrəvan-Tbilisi yolunu bağladılar
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR