Dünya

Dağlıca əməliyyatında öldürülən terrorçuların sayı açıqlandı

8 Sentyabr 2015 11:38

Türkiyə Silahlı Qüvvələrinin Hakkarinin Dağlıca kəndində PKK terrorçularına qarşı keçirdiyi hərbi əməliyyatlarda öldürülən terrorçuların sayı açıqlanıb.

Publika.az-ın Türkiyə mediasına istinadən verdiyi məlumata görə, çoxsaylı şəhid verən türk ordusu Dağlıca əməliyyatında 100-dən çox PKK-çını öldürüb.

Bundan əlavə, Türkiyə Hərbi Hava Qüvvələrinə məxsus 3 ədəd “F-4” və 4 ədəd “F-16” qırıcıları vasitəsilə PKK-ya aid olan 23 hədəf vurulub.

Ötən gün öldürülən PKK terrorçularının sayı 73 olsa da, gecə boyu gedən döyüşlərdə məhv edilən terrorçuların sayı 100-ü ötüb.

Həmçinin Dağlıca əməliyyatında 25 terrorçu sağ ələ keçirilib. Hazırda Türkiyə ordusu ilə döyüşən PKK terrorçularının sayının 150 nəfərə yaxın olduğu ehtimal edilir.

Vasif Həsənli