Dünya

Fillər jurnalisti öldürdü

8 Sentyabr 2015 23:30

Şri-Lanka paytaxtından 190 kilometr məsafədə yerləşən Kolombo şəhərinin kəndlərindən birində fil sürüsü sakinlərə hücum edib.

Publika.az xarici mətbuata istinadən xəbər verir ki, heyvanlardan biri jurnalist Priyantu Ratnayakanı ayaqları altına salaraq tapdalayıb. Yerli polis idarəsindən verilən məlumatda bildirilir ki, media əməkdaşı dünyasını dəyişib.

Rəsmi məlumatlara görə, Şri-Lankada son 12 ildə fillərin hücumu zamanı 70-dən çox sakin həlak olub. Yerli strukturlar buna görə 150-yə yaxın fili məhv ediblər.

Qeyd edək ki, Şri-Lankada fillər müqəddəs hesab olunur və qanunla qorunur. Buna baxmayaraq, ölkədə nəhəng heyvanın sayı getdikcə azalır. 1900-cü ildə Şri-Lankada 12 min fil vardısa, indi bu rəqəm 7,5 min təşkil edir.

Anar Tağıyev