• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Putin Belarusda NATO-ya qarşı müharibə meydanı yaradır

  • Dünya
  • 19 Sentyabr 2015 17:25
  • 420 Baxış
Putin Belarusda NATO-ya qarşı müharibə meydanı yaradır

Rusiya prezidenti Vladimir Putin Belarusda təyyarə bazasının yaradılması barədə göstəriş verib.

Publika.az “RİA-Novosti” agentliyinə istinadən xəbər verir ki, bu barədə Kremlin mətbuat xidmətindən bildirilib.

Dövlət başçısı Xarici İşlər və Müdafiə nazirliklərinə Minsklə lazımı danışıqlara başlamağı tapşırıb.

Qeyd edək ki, hələ 2014-cü ilin yayında Rusiyanın "Su-27" qırıcılarının Bobruysk aerodromunda yerləşdirəcəyi barədə informasiya yayılıb. Baranoviçi bazasında isə "Su-27" qırıcıları çoxdan yerləşdirilib.

Su-27 qırıcıları çoxməqsədli və hər cür hava şəraitinə uyğun qırıcıdır. Sözügedən qırıcılar Rusiya Hərbi Hava Qüvvələrinin əsas zərbə qüvvəsini təşkil edir.

Hərbi analitiklər hesab edirlər ki, Belarus Rusiyanın Qərblə qarşıdurmasında strateji müharibə meydanı rolu oynaya bilər. “Belarus Security Blog” analitik layihəsinin rəhbəri Andrey Porotnikovun sözlərinə görə, Rusiyanın “S-400” zenit-raket kompleksi, “İsgəndər-M” raket kompleksləri və “Su-34” qırıcıları Moskvanın gücünün əsası olacaq. O, Kremlin müharibə meydanı kimi Belarusdan NATO-çuları bu silahlarla hədələməyə başlayacağını bildirir.


Ekspert mümkün ssenarini də səsləndirir: “Belovejski meşəsində yerləşdirilən “S-400”lər Polşa ərazisi üzərində Amerika raketlərini vuracaq”.


O, “İsgəndər”lərin hər cür hava şəraitində belə düşmən raketlərini məhv etməyə qadir olan yüksək dəqiqlikli silah olduğunu xatırladır.

Ömər Dağlı

Xəbər lenti

DAHA ÇOX XƏBƏR