Dünya

Cadugər və sehrbazlara 7 illik həbs cəzası

24 Sentyabr 2015 16:18

Tacikistan prezidenti Emomali Rahmon Cinayət Məcəlləsinin sehrbazlığa və cadugərliyə görə cəzaların sərtləşdirilməsini nəzərdə tutan düzəlişləri təsdiqləyib.

Virtualaz.org saytı xəbər verir ki, bundan sonra magiya ilə, sehrbazlıq və cadugərliklə məşğul olanlar 7 ilədək həbs cəzasına məhkum edilə bilərlər.

Məcəlləyə edilən düzəlişlər ölkənin parlamentinin hər iki palatası tərəfindən bəyənilib.

Sehrbazlıq və cadugərlik buna qədər inzibati xəta sayılır və buna görə 30-40 tacik somonu (8-10 dollar) məbləğində cərimə nəzərdə tutulurdu. Bu əməl ikinci dəfə törədildikdə isə cərimənin məbləği 50-70 somona qədər yüksəlirdi.

Tacikistanda sehrbaz və cadugərlərin cəzalandırılmasına 2008-ci ildən başlanıb. Hüquq-mühafizə orqanlarının verdiyi məlumata görə, Tacikistanda 5 minədək adam sehrbazlıq və cadugərliklə məşğuldur.