Baş nazir məscidin tikintisinə qarşı çıxdı
Bizi izləyin

Dünya

Baş nazir məscidin tikintisinə qarşı çıxdı

Litva hakimiyyəti ölkənin paytaxtı Vilnüsdə məscidin tikintisinə icazə verməyəcək.

Publika.az xarici mediaya istinadən xəbər verir ki, bu barədə Litvanın baş naziri Algirdas Butkeviçius deyib.

Çoxu müsəlmanlar olmaqla 1105 miqrantı qəbul etməyə hazırlaşan Litvanın baş naziri ölkəsinin LNK telekanalına müsahibəsində Vilnüsün məscid inşasına qarşı olduğunu dilə gətirib.

“Vilnüsdə məscidin inşasına ehtiyac yoxdur. Məncə, müsəlmanlar ibadət etmək üçün digər məkanlardan da istifadə edə bilərlər”, - hökumət başçısı deyib.

Vilnüsün bələdiyyə başçısı Remigijus Simasius da məscidin inşasına qarşı olduğunu dilə gətirib: “Şəhərimizdə məscidin olmadığını bilirik. Gələcəkdə də məcsid inşa etmək barədə planımız yoxdur. Vilnüsün başqa və daha aktual problemləri var”.

Təxminən 5 min müsəlmanın yaşadığı Litvada 4 məscid var. Paytaxtında məscid olmayan ölkədə 1397-ci ildən bəri müsəlmanlar yaşayır.

Ömər Dağlı

Oxumağa davam et
Reklam
Reklam

Gündəm