Dünya
Kiyev Krımı beynəlxalq məhkəməyə verir
Xəbər verildiyi kimi, Krımda keçirilən referendumun ilkin nəticələri açıqlandı. İlkin nəticələrə görə, referendumda 1,5 milyon adam səs verib, onlardan 93 faizi Krımın Rusiyaya birləşməsinə tərəfdar çıxıb.
Publika.Az – ın verdiyi xəbərə görə, Rusiya Dumasının deputatı Sergey Mironov Rusiya mediasına bildirib ki, Krımın ilhaqı üzrə Moskvanın qanunverici aktları çox sürətlə qəbul olunacaq.“Krımdakı qardaşlarımız buna qətiyyən şübhə etməsinlər, - rusiyalı deputat söyləyib.
ABŞ və Avropa İttifaqı referendumun nəticələrini tanımadıqlarını elan ediblər. Ukraynanın mərkəzi hakimiyyəti isə faktiki olaraq Rusiya qoşunlarının nəzarətində olan yarımadakı referendumu qanunsuz elan etdi, separatçları beynəlxalq məhkəmə ilə hədələyib. Separatçılar Ukraynanın şərq bölgələrində də fəallaşaraq ölkənin parçalanması təhlükəsini gündəmə gətirirlər. Bölgəyə qoşun yığan Rusiya burada da "rusların hüquqlarını qorumaq hüququnu özündə saxladığını" bəyan edir.
Ukrayna mərkəzi hakimiyyətinin baş naziri Arseni Yasenyuk seperatçıları işarə edərək ayaqları altında torpağın yanacağını bildirib. O, Ukrayna Nazirlər Kabinetinin iclasında əmin edib ki, Rusiya ordusunun himayəsi ilə Ukraynanı parçalamaq istəyənlər gec-tez Ukrayna və beynəlxalq qanunlar əsasında mühakimə olunacaqlar.
Yaxın saatlarda isə Moskvada Krımın anneksiyasının rəsmiləşdiriləcəyi gözlənilir. Hazırda MDB-nin 2 ölkəsinin qoşunları üz-üzə dayanıb, bir-birini hərbi texnika ilə qorxutmağa çalışırlar. Ukrayna müdafiə naziri martın 21-dək sülh razılaşmasının əldə olunduğunu bildirsə də, Rusiya silahlı qüvələrinin hərbi vertolyotları artıq Krımdan kənarda da Ukrayna BTR-lərinin başı üzərində fırlanır.
Qeyd edək ki, referenduma iki sual çıxarılmışdı: “Krımın
federasiya subyekti kimi Rusiya Federasiyasının tərkibinə daxil
olmasının lehinəsinizmi?” və “Krım Konstitusiyasının 1992-ci il
redaksiyasına qaytarılmasını istəyirsinizmi?”. 1992-ci il
Konstitusiyasın əsasən Krım Ukraynanın tərkibində olsa da, müxtar
prezident respublikası kimi geniş səlahiyyətlərə malik idi. 1994-cü
ildə Krım prezidenti ilə rəsmi Kiyev arasındakı çoxsaylı
münaqişlərdən sonra, Krımın statusuna yenidən baxıldı və Kiyevlə
Simferopolun səlahiyyətləri daha aydın bölüşdürüldü, prezidentlik
institutu ləğv edildi.
Ömər Dağlı
-
Region09:20
Tavuşda etiraz başladı: Ermənilər İrəvan-Tbilisi yolunu bağladılar
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır