Dünya
Tiflisin Bakıya “qaz şantajı”nda yeni faktlar
Gürcüstan hökumətinin rəsmi Bakıya qarşı oynadığı “qaz
şantajı” oyununun yeni detalları bəlli olub.
Publika.az xəbər verir ki, bu ölkənin energetika
naziri Kaxe Kaladze Rusiya və İran qazı hesabına enerji təminatını
şaxələndirmək üçün danışıqlar apardıqlarını deyib. Bu, faktiki
olaraq, Azərbaycanın Gürcüstandakı maraqlarına və qoyduğu kapitala
təhlükədir. Gürcüstanın baş naziri İrakli Qaribaşvilinin Bakıya
qəfil səfər etməsinə səbəbi də Tiflisin Bakının könlünü almaq
olduğu deyilir. Prezident İlham Əliyevin noyabrın 6-da Gürcüstana
planlaşdırılan səfərinin də bu məsələ ilə bağlı olduğu ehtimallar
arasındadır.
Gürcü ekspert Pyotr Mamradze hesab edir ki, rəsmi Tiflis “Qazprom”u
ölkəyə gətirməklə bağlı açıqlamalar verməsi siyasi gedişdir:
“Hazırda Gürcüstan iqtisadiyyatının zəiflədiyi bir vaxtda qaz
ödənişləri çətinləşib. Buna görə də Gürcüstan Rusiya və Azərbaycan
arasında qaz çatdırmalarını ortaya ataraq siyasi manevr edir.
Ortada güman ki, heç bir danışıq, yaxud çatdırmalar yoxdurş. Bu
sadəcə, xəyali bir oyundur”.
Gürcüstan mediası yazır ki, Tiflis bu gedişi ilə Bakı və Moskva
arasında oyun oynayır.
Moskvaya mesaj verməklə Ermənistana göndərilən qazdan
alınan tranzit haqqını çoxaltmaq istəyir.
Bakıya göndərilən mesajla isə Azərbaycan tərəfindən verilən
qazın qiymətlərinin aşağı salınmasına nail olmaq
istəyir.
“Bunun üçün İlham Əliyev-Qaribaşvili danışıqlarının
nəticələri haqda sonra danışmaq mümkün olacaq. Əgər Tiflis
“Qazprom”un xeyrinə seçim etmək haqda bəyanat verəcəksə, deməli,
Bakı qiymətdə endirim etmir. Əgər belə bəyanatlar olmasa, deməli,
Tiflis istədiyi qiyməti razılaşdırıb”, - deyə gürcü
mediası yazır.
Rusiyalı ekspert İvan Kapitonov isə bildirib ki, Rusiyanın
Gürcüstana qaz çatdırması ona sərf etmir: “Çünki Tiflis çox aşağı
qiymət istəyəcək. Əgər Gürcüstana qaz Mərkəzi Asiyaya satılan
qiymətə verilsə, o zaman Moskva uda bilər. Əks təqdirdə, bu, çətin
olacaq”.
Lakin o da məlumdur ki, Rusiya Gürcüstanın enerji bazarına daxil
olmaqla buradan iqtisadi divident yox, siyasi qazanc əldə etmək
istəyir. Bununla avtomatik olaraq Moskvanın Cənubi Qafqazda əlini
gücləndirə, həmçinin Ermənistanla quru əlaqəsi saxlamqda çətinlik
aradan qalxa bilər.
Asif Nərimanlı
-
Sosial17:54
Əli Əsədov qərar imzaladı
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO
-
Rəsmi xronika15:28
Biz buna həm də ölkəni təqdim etmək fürsəti kimi baxırıq - Prezident
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR