Dünya

İŞİD-dən ŞOK TƏHDİD: “Az qaldı, hamısının başını kəsəcəyik”

28 Oktyabr 2015 15:53

Türkiyənin Diyarbəkir vilayətində bazar ertəsi təşkil edilən əməliyyatda sağ ələ keçirilən İŞİD terror təşkilatının Diyarbəkir üzrə məsul nümayəndəsi N.T. ilə bağlı şok faktlar ortaya çıxıb.

Publika.az xarici mediaya istinadən xəbər verir ki, o, 2013 və 2014-cü illərdə iki dəfə mətbuat konfransı təşkil edib.

Təhlükəsizlik güclərinin içinə agent sızdıran N.T. dinləmə cihazları yerləşdirə bilib. Bundan başqa, o, PKK terror təşkilatına yaxın olan qrupların içərisinə də agentlər yerləşdirib.

Öldürülən 7 İŞİD üzvündən kimliyi müəyyənləşdirilən Veysəl Argunağanın isə terror təşkilatına yaşadığı Almaniyanın Bremen şəhərindən qatıldığı məlum olub. Bingöl vilayətində qeydiyyatda olan Veysəlin “Facebook” hesabında İŞİD-lə bağlı paylaşımların olduğu, ailəsinin etirazına məhəl qoymayaraq terrorçulara qatıldığı ortaya çıxıb. Həmçinin Veysəl Argunağanın yazdığı “Az qaldı, hamısının başını kəsəcəyik” məzmunlu bir mesajı da müəyyən edilib.

Ömər Dağlı