Dünya
Prezident qızının dustaq fotoları yayıldı
Özbəkistan prezidentinin iki aydır Daşkənddə ev dustağı edilən qızı Gülnarə Kərimova redaksiyası Nyu-Yorkda yerləşən müxalif uznews.net saytının elektron poçtuna iki yeni şəklini göndərib.
G.Kərimova bu şəkillərin hazırda dustaq saxlandığı
evdə çəkildiyini bildirir. Şəkillərdə G.Kərimovanın əvvəlki qlamur
obrazından əsər-əlamət yoxdur. Şəkillərin birində G.Kərimova ağ
gecə köynəyində mətbəxdə oturub və “Nesquik” içir. Fotoda o,
köməksiz və bitkin vəziyyətdə görünür. Bu şəkildə G.Kərimovanın
əvvəlki bər-bəzəyindən və parıltısından heç nə yoxdur. Onun saçları
səliqəsizdir. O biri fotoda isə G.Kərimova yığışdırılmamış yataqda
oturub və nəsə oxuyur, qeydlər aparır. Kitabların yanında boş
stəkan və hansısa dərman var. Foto bu qeydlərlə müşayiət olunur:
“Situasiya pisləşir. Bu gün elə hönkürdüm ki, İmanın (qızı-red.)
depressiyası dərinləşir. Ancaq dünən qızı qamarladılar! Digərini
isə iki həftə əvvəl tutmuşdular ki, bizim evə gəlməsin”.
Fotoşəkilləri göndərməzdən əvvəl G.Kərimova saytın elektron poçtuna yazıb ki, bu günlərdə Daşkənd Universitetinin tələbəsi Gulnaz Xocayevi ona baş çəkməyə gəldiyi üçün həbs ediblər. Qız əvvəllər G.Kərimovanın fondunda işləyib. Xatırladaq ki, bir neçə gün əvvəl G.Kərimovanın BBC-nin redaksiyasına göndərdiyi məktub yayılmışdı. Həmin məktubda o, atasının mühafizə xidmətinin rəisi tərəfindən döyüldüyünü, anasının əmri ilə ev dustağı edildiyini və bədənində xəsarət izlərinin olduğunu yazmış, kömək diləmişdi (Virtualaz.org).
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü