Devrilmiş diktatorun dəbdəbəli vertolyotu satışda
Bizi izləyin

Dünya

Devrilmiş diktatorun dəbdəbəli vertolyotu satışda

Ukraynanın keçmiş prezidenti Viktor Yanukoviçin istifadə etdiyi “Agusta AW139” vertolyotu satılır.

Publika.az Rusiya mediasına istinadən xəbər verir ki, vertolyot İsveçrənin “Sparfell & Partners” və Amerika “SkyQuest International” şirkətləri tərəfindən satışa çıxarılıb.

Satış haqqında elan “Pininfarina” dizayner firmasının saytında yerləşdirilib. Elanda vertolyotun dəyəri göstərilməyib.

Vertolyotun təsvirinə əsasən, onun salonu altı sərnişin üçün hesablanıb. Salonda sensor ekranlı peyk telefonu, peyk radiosu, səkkiz səsgücləndirici, iki 15 düymlük ekran, həmçinin istirahət guşəsi var.

Satışa təklif edilən “Agusta AW139” vertolyotu 2008-ci ildə istehsal edilib. Vertolyot 2010-cu ildən UR-CRB bort nömrəsi ilə “Sentravia” MMC-nin mülkiyyətində olub. “Sentravia” MMC Men adasında qeydiyyatda olan “Aero Holdings” şirkətinə aid idi. Hava gəmisini sonradan Ukrayna Prezident Administrasiyası illik 7,5 milyon qrivna (915 min dollar) ödəməklə kirayələyib.

2014-cü ilin iyulunda vertolyot M-OLJM nömrəsi ilə Men adasında yenidən qeydə alınıb və “Boutique Aviation Limited” şirkətinə verilib. Şirkətin ünvanı “Aero Holdings” şirkətinin ünvanı ilə uyğun gəlir. Hər iki şirkəti “Wilton (IOM) Ltd” idarə edir. Ukrayna Prezident Administrasiyasından verilən məlumata görə, vertolyot sonradan “itib”.

Ömər Dağlı

Oxumağa davam et
Reklam
Reklam

Gündəm