Dünya
Baş nazir: “Təyyarə qəzasında terror versiyası istisna edilmir”
Misirin “Egypt Air” şirkətinə məxsus A320 sərnişin avialaynerinin içində terror aktının törədilməsi istisna edilmir.
Publika.az “Reuters” agentliyinə istinadən xəbər verir ki, bu haqda Misirin baş naziri Şərif İsmayıl Qahirədə mətbuat konfransında bildirib.
Baş nazir qeyd etdi ki, bütün versiyalar axtarış əməliyyatının tamamlanmasından sonra səsləndiriləcək.
Fransa Aviasiya hadisələrinin araşdırılması üzrə İdarənin keçmiş rəhbəri, aviasiya eksperti Jan-Pol Troadek də terror versiyasını dəstəkləyir. Onun sözlərinə görə, laynerin göyərtəsindən qəza siqnalının verilməməsi təyyarə qəzasına terror aktının səbəb olduğunu göstərir.
“Texniki problem, yanğın və ya mühərrikin sıradan çıxması ani qəzaya səbəb olmur. Bu hallarda ekipajın reaksiya verməsi üçün vaxtı olur. Ekipaj heç nə bildirməyib və heç nəyə təşəbbüs etməyib. Buna görə də hesab edə bilərik ki, hadisənin baş verməsində kənar amil rol oynayıb. Əlbəttə ki, terror aktını nəzərdə tuturuq”, - ekspert vurğulayıb.
Misir aviaşirkətinə məxsus təyyarə ötən gecə Parisdən Qahirəyə uçarkən radarlardan itib. İçində 56 sərnişin və 10 ekipaj üzvünün olduğu təyyarənin Aralıq dənizinə düşdüyü ehtimal edilir.
Yunan adalarının sakinlərinin iddiası da təyyarənin düşməsində terror versiyasını gücləndirir. “Haaretz” portalı bildirir ki, yunan adalarının sakinləri səmada partlayışı görüblər.
Ömər Dağlı
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ