“Kresloya sığmırsan necə işləyəcəksən?” – FOTOLAR

28 yaşındakı Ezgi Çetin bir ildə 125 kq çəkidən 57 kq-a düşüb.

Publika.az Türkiyə mətbuatına istinadən xəbər verir ki, gənc qızın bu qədər arıqlamasının səbəbi universiteti bitirdikdən sonra artıq çəkisi ucbatından heç yerdə iş tapa bilməməsi olub. Bu qız bir neçə yerə iş üçün müraciət edib. Getdiyi hər yerdə ona “Stola sığa bilmirsən, necə işləyəcəksən?” deyiblər. Bundan təsirlənən qız arıqlamağa qərar verib. Gənc qız əvvəlcə mədə kiçiltmə əməliyyatı olunub, daha sonra ciddi pəhrizə başlayıb. O, bir ildə 125 kq çəkidən 57 kq-a düşüb.

Ezgi Çetinin sözlərinə görə, qarşılaşdığı çətinliklər onun psixologiyasına da ciddi təsir göstərib. O, arıqladıqdan sonra özünü daha yaxşı hiss elədiyini deyib: “Universitetdə çox çətinlik çəkdim. Çəkimə görə təhsil müddətim uzandı, dostlarım da yox idi. İnsanlar hər gün mənə baxıb gülürdülər. Universiteti bitirdikdən sonra iş də tapa bilmirdim. İndi isə istədiyimi geyinir, sərbəst gəzirəm. Yeməklərə də daha çox pul xərcləmirəm. Sosial şəbəkədə insanlar necə arıqlamağımla bağlı suallar verir. Mən də bacardığım qədər onlara dəstək oluram”.

Aytən