• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

ABŞ-dan Rusiyaya növbəti sanksiya

  • Dünya
  • 8 Aprel 2014 10:37
  • 448 Baxış
ABŞ-dan Rusiyaya növbəti sanksiya

Vaşinqton Rusiyanın nüvə obyektlərinin mühafizəsinin gücləndirilməsi üçün nəzərdə tutulan işlərin maliyyələşdirilməsini dayandırıb.

Publika.Az – ın verdiyi xəbərə görə, bu barədə “Kommersant.ru” saytı yazıb.

Saytın yazdığına görə, ABŞ Energetika Nazirliyinin nümayəndəsi Bill Qibbons təmsil etdiyi qurumun bütün bölmələrinin Rusiya ilə birgə həyata keçirilən layihələri təkrar nəzərdən keçirməyə başladığını bildirib. O, bu layihələrdən birinin də Rusiyanın nüvə kömpleksinə maliyyə və texniki yardımla bağlı olduğunu bildirib.

“Biz Rusiya Federasiyası nüvə obyektlərinin fiziki müdafiəsi üzrə bütün işləri dayandırmışıq. Hazırda həmin nüvə obyektlərində lazımı avadanlıqların 40-70 faizə qədər hissəsi qurulub. Amma işləri təxirə salmaq lazım gələcək”, - ABŞ Dövlət Administrasiyasının nüvə təhlükəsizliyi üzrə nümayəndəsi Enn Harrinqton bildirib.

Qeyd edək ki, Ukraynanın şərqində baş verən son hadisələrə görə, Ağ Ev Rusiyanı ittiham edib. "Bizdə tutarlı sübutlar var ki, Ukraynanın 3 şəhərində hökumət binalarını ələ keçirən rusiyapərəst nümayişçilər yerli sakinlər deyil, onlar bu hərəkəti pul müqabilində həyata keçirən kənar şəxslərdir," - deyə bəyanatda bildirilir.

​​Bəyanatda qeyd olunub ki, Rusiya Ukraynanın şərqində gizli və ya aşkar şəkildə fəaliyyətlərini genişləndirsə, bu, ciddi provokasiya kimi qiymətləndiriləcək.

Ömər Dağlı

Xəbər lenti

DAHA ÇOX XƏBƏR