Dünya
Ölkə şokdadır: nazirin xanımı xəyanəti aşkarladı, ölü tapıldı - FOTO
Avropa və dünya mediası Fransa prezidenti Fransua Ollandın nikahdankənar əlaqələrindən, 59 yaşlı dövlət başçısı ilə 41 yaşlı jurnalist Jüli Qaye arasındakı eşq macərasından danışarkən Hindistanda böyük şok yaşanır.
Burada nazirin arvadı ərinin xəyanətini Twitter-də aşkarlayandan
sonra ölü tapılıb.
Hindistanın insan resurslarının inkişafı naziri, 57 yaşlı
Şaşi Tarurun arvadı Sunandaya xəyanət etdiyi aşkarlanıb.
52 yaşlı Sunanda Puşkar Tarur demişdi ki, onun 57 yaşlı əri 45
yaşlı pakistanlı jurnalist qadınla aşiq-məşuqdur. Bunu bəyan
edəndən soqnra Sunanda Tharur boşanmaq istədiyini söyləmişdi.
"Ərimin mənə xəyanət etdiyini Twitter-dəki yazışmalarına baxanda
gördüm. O yazışmalarda Mehr Tarar adlı bir qadın ərimə eşq elan
edirdi. Ərim də o qadına çox "səmimi" sözlər yazırdı", - Sunanda
demişdi.
Bir qədər sonra nazir Şaşi Tarur Twitter-dəki akkauntunun hakerlər
tərəfindən sındırıldığını bəyan etmişdi: "Pakistanlı jurnalist
qadına mənim adımdan bütün tvitləri hakerlər profilimi sındırandan
sonra yollayıblar. Bağışlayın, dostlar, akkauntum sındırılıb. Onu
bir müddət qapayacağam.
Problemi həll edənədək mənimlə qalın".
Sunanda Tarur deyilənlərə inanmamışdı: "Ərim o qadını yaxşı
tanıyır, qadın da ərimdən əl çəkmir. O qadın Pakistan caususdur.
Kişilər elə axmaqdır ki, ərimin mənə olan sədaqəti və sevgisi hara
getdi?! Qadın və ərli xanım kimi özümü məhv olmuş sayıram", -
Sunanda Tarur The Indian Express reportyoru ilə söhbətində
demişdi.
Bir qədər sonra NDTV telekanalına verdiyi açıqlamasında S.Tarur
bildirmişdi: "Ərimlə o qadının arasında sevgi, istək və ya
ehtirasın olduğunu bilmirəm. Ola bilər ki, o qadın ərimin ağlını
başından alıb. Bundan sonra nə olacaq, bilmirəm".
Bir qədər də keçdi, nazirlə onun xanımı birgə açıqlama verərək
barışdıqlarını dedilər: "Twitter-dəki akkauntlarımızda naməlum
adamların çirkin əməllərinə görə təəssüf hissi keçiririk. Bir daha
bildiririk ki, ailə həyatımızı davam etdiririk və hər şey
əladır".
Şaşi Tarur sonra Facebook-dakı profilində yazmışdı ki,
yaşananlardan depressiyaya düşmüş arvadı Sunanda xəstəxanaya düşüb:
"Onun bu hala düşməsinin səbəbi yalanlar yayan kütləvi informasiya
vasitələridir. Şəxsi həyatımıza bir qədər sayğı ilə
yanaşın".
Pakistanlı jurnalist Mehr Tarar isə
Facebook-dakı profilində yazıb: "ağlını itirmiş o qadına cavab
vermək niyyətim yoxdur. Məni "pakistanlı casus" sayır, onun ərini
təqib etdiyimi düşünür. Bunların hamısı uydurmadır".
BMT-nin baş katibinin müavini olmuş Şaşi Tarur bu qurumda 30 il çalışandan sonra 2008-ci ildə Hindistanda böyük siyasətə atılıb. Birləşmiş Ərəb Əmirliklərinin Dubay şəhərində yaşayan və bizneslə məşğul olan Sunanda Puşkarla o, 2010-cu ildə evlənmişdi. Sunanda onun üçüncü arvadı idi.
Dünən isə Sunanda Tarur Hindistan paytaxtı Nyu-Delhidəki lüks
"Leela Palace" otelinin nömrəsində ölü tapılıb.
Şəhər polisindən verilən məlumata görə, Sunanda Tarur intihar edib. Ölkə mediası isə bu ölümü çox müəmmalı sayır./Milli.Az
-
MDB21:50
95 yaşlı diplomat öldü
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır