Slavyansk “meri” komendant saatı tətbiq etdi
Bizi izləyin

Dünya

Slavyansk “meri” komendant saatı tətbiq etdi

Slavyansk “meri” komendant saatı tətbiq etdi

Özünü Donetsk vilayətinin Slavyansk şəhərinin meri elan Vyaçeslav Ponomaryov şəhərdə komendant saatı tətbiq edib.

Publika.Az – ın Ukrayna mətbuatına istinadən verdiyi məlumata görə, komendant saatı 24:00-dan 6:00-a qədər olan vaxtı əhatə edir.

Məlumata görə, komendant saatının tətbiqinə ehtiyac 19 Aprel tarixindən 20-sinə keçən gecə şəhər ətrafında baş verən atışmadan sonra yaranıb. Ukraynanın Daxili İşlər Nazirliyinin məlumatında deyilir ki, həmin geçə iki silahlı qrup arasında baş verən atışma zamanı Slavyansk şəhərinin bir sakini ölüb, üçü isə yaralanıb.

Rusiyanın bəzi media orqanları atışmada iştirak edən tərəflərdən birinin milliyyətçi “Sağ sektor”un üzvləri olduğunu bildirib. Ukrayna Milli Təhlükəsizlik Şurasından yayılan açıqlamada isə Rusiya KİV-lərində səsləndirilən iddiaların Rusiyanın provokasiyası olduğu bildirilib. Qeyd olunub ki, Rusiya bununla da Ukrayna hakimiyyətinin ölkədəki vəziyyətə nəzarət edə bilmədiyini göstərməyə çalışır.

Ömər Dağlı

Oxumağa davam et
Reklam
Reklam

Gündəm