“Lenini təcili dəfn etməliyik"
Bizi izləyin

Dünya

“Lenini təcili dəfn etməliyik"

Rusiya Liberal Demokrat Partiyasının lideri Vladimir Jirinovski Leninin Mıtişi qəbiristanlığında dəfn olunması təklifi ilə çıxış edib

Rusiya Liberal Demokrat Partiyasının lideri Vladimir Jirinovski Leninin Mıtişi qəbiristanlığında dəfn olunması təklifi ilə çıxış edib.

Teleqraf.com-un xəbərinə görə, siyasətçi jurnalistlərlə söhbətində bu gün dünya proletariatı liderinin ölümünün 90 illiyinin tamam olduğunu bildirib. O, liberal-demokratların həmişə "Mavzoley və Kreml divarları arasındakı qəbiristanlıqların ləğv edilməsində" israrlı olduğunu bildirib: "Mıtişidə gözəl memorial qəbiristanlıq tikilib. Orada hamısına yer olar. Qəbiristanlığın 50 il bundan sonraya da bəs edəcək ərazisi var. Ona görə də bu qəbirlərin hamısını ora köçürmək lazımdır".

Jirinovskinin sözlərinə görə, Leninin cəsədinin saxlanılması üçün artıq yüz milyonlarla rubl sərf edilib: "Ancaq o, bizə fəlakət gətirdi ... Biz hələ də bu vəziyyətdən çıxa bilmrik. Ona görə də onu təcili şəkildə dəfn etməliyik. Və yeni tarix dərsliklərində yazmalıyıq: bizdə 5 inqilab olub - onların 5-i də dövlət çevrilişidir. Hər dəfə hakimiyyət qanunsuz olaraq dəyişib, silah tətbiq edilib, insanlar öldürülüb. İndi Kiyevdə nələr baş verir? Bu, inqilabdır? Bu qiyam, iğtişaş, kriminaldır".

Oxumağa davam et
Reklam
Reklam

Gündəm