Dünya
Müharibə, su uğrunda döyüş, yoxsa... - Kərimovun xələfi Mərkəzi Asiyaya nə gətirəcək?
Özbəkistan İslam Kərimovun vəfatından sonra Şövkət
Mirziyoyevi yeni prezident seçdi. Özbəkistan Liberal-Demokratik
Partiyasından namizədliyi irəli sürülən keçmiş baş nazir seçkidə
Xalq-Demokratik Partiyasından Hotamcan Ketmonov, Sosial-demokrat
“Ədalət” Partiyasından Nəriman Umarov və Özbəkistanın Demokratik
Partiyasından Sərvər Otamuratovu böyük fərqlə qalib gəldi. İndi
əsas düşündürücü məsələ Şövkət Mirziyoyevin hansı siyasi kursu
izləyəcəyidir.
Publika.az xəbər verir ki, MDB İnstitutunun
Mərkəzi Asiya və Qazaxıstan şöbəsinin müdiri Andrey Qrozin
Mirziyoyevin ilk növbədə iqtisadi məsələlərə diqqət ayıracağını
hesab edir: “Seçkiqabağı proqramında da iqtisadi problemlərin həlli
ilə bağlı vədlər vermişdi. O, 15 il ərzində iqtisadiyyatla məşğul
olub, hesab edirəm ki, bu, onda alınacaq”.
Onun sözlərinə görə, Ş. Mirziyoyev prezident vəzifələrini müvəqqəti
icra etdiyi 3 ay ərzində özünü göstərməyə vaxt tapdı.
“Özbəkistanda kiçik və orta sahibkarlara təzyiq azaldı, siyasi
həbslərə son qoyuldu. Xarici siyasətdə müəyyən irəliləyişlərə nail
olundu. Mirziyoyev əla anlayır ki, ümumdünya böhranı şəraitində
respublikanın iqtisadiyyatı qonşularla ticarət olmadan sabit
vəziyyətə düşməyəcək. Xüsusilə Qırğızıstan, Tacikistan və
Türkmənistanla mehriban münasibətləri bərpa etmək lazımdır”, - deyə
o vurğulayıb.
Rusiyalı politoloqun fikrincə, Mərkəzi Asiyada su resursları ilə
bağlı mübarizə başlayacaqsa, o zaman Özbəkistan, Tacikistan və
Qırğızıstan arasında sərhəd məsələsi üzərindəki mübarizə ikinci
plana keçəcək.
“Şərq-Qərb Strategiya” mərkəzinin direktoru Dmitri Orlov deyir ki,
İslam Kərimovun ölümündən sonra 3 ay ərzində Özbəkistanda müşahidə
edilən sakitlik çox şeydən xəbər verir: “Kərimovun qurduğu sistem
əla işləyir. İndi hər şey Mirziyoyevin ölkəyə nə qədər nəzarət edə
biləcəyi və güclü olmasından asılı olacaq. O, xalqın gözünə zəif
lider kimi görünməməlidir. Lakin elə etməlidir ki, onu Kərimovla da
müqayisə etməsinlər. Bu baxımdan, onun Özbəkistanda sabitliyi
saxlayacağını, qonşularla ikitərəfli münasibətləri inkişaf
etdirəcəyini demək mümkündür. Sülh şəraiti isə ona seçkiqabağı
vədlərini yerinə yetirməyə, yaxşı xarici siyasət aparmağa,
həmçinin, özbəkistanlıların sosial rifahını yaxşılaşdırmağa imkan
verəcək”.
Asif
-
Sağlamlıq07:08
Səhər oyanan kimi 5 ədəd qoz yesəniz, görün nələr olacaq...
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov