Dünya
Putinə 53 milyardlıq tələb: Azərbaycanın sərhədində yeni dövlət yaranır?
Rusiya Federasiyası Dövlət Duması ikinci oxunuşda
Çeçenistan Respublikası üçün maliyyə yardımının xüsusi növünün
tətbiq olunmasını və on milyardlarla rubl dotasiyanın verilməsini
təsdiq edib.
Publika.az xəbər verir ki, Çeçenistana bu qədər maliyyə
yardımı ayrılması mübahisələrə səbəb olub.
Çeçenistanın rəhbəri Ramzan Kadırov noyabrın 1-də regional büdcə
müşavirəsində bildirmişdi ki, federal mərkəzin Qroznıya verdiyi pay
qəbuledilməzdir. Həmçinin, qeyd etdi ki, məktəblər, xəstəxanalar
tikməli, iqtisadiyyatın əsas istiqamətlərini inkişaf etdirməlidir
və bunun üçün pul lazımdır.
Həmin vaxt subyektlərə büdcədən pay ayrılması prosesi
başlanmamışdı. Vəziyyət dekabrın başlanğıcında aydınlaşdı: Dövlət
Duması federal büdcəni ikinci oxunuşa çıxardaraq, düzəlişlərlə
birgə qəbul etdi. Adətən ikinci oxunuşda son layihə qəbul edilir.
Təsdiq olunmuş büdcə layihəsində Çeçenistan üçün əlavə 16,4 milyard
rubl ayrılıb. Hansı ki, hər subyekt üçün 24 milyard rubl nəzərdə
tutulur. Çeçenlər isə nəzərdə tutulandan əlavə 16,4 milyard rubl
alacaqlar. Çeçenistandan başqa əlavə güzəştlər Krım üçün də nəzərdə
tutulur. 2017-ci ildə Çeçenistana ayrılan pulun ümumi həcmi 40,4
milyard rubl, Krıma isə 37 milyard rubldur.
Lakin çeçenlər bununla da qane olmurlar və ayrılan pulun az
olduğunu hesab edirlər. Çeçenistan Maliyyə Nazirliyinin departament
rəhbəri Zaur Dukayev deyir ki, bu məbləğ nəzərdə tutulan işlərə
çatmayacaq. O, ümumilikdə 53 milyard rubla ehtiyaclarının olduğunu
deyib.
Maraqlıdır ki, Ramzan Kadırov beş il öncə büdcədən ayrılan pullara
etiraz etməz və “Allah yetirir” deyərdi. Halbuki, 2000-2007-ci ildə
Çeçenistana 53 milyard rubl, sonrakı illərdə isə 98 milyard rubl
pul ayrılmışdı.
“Lenta.ru” yazır ki, çeçenlər daim Moskvadan pul istəyir. Bu
pulların hara xərcləndiyi isə müəmmalıdır. Misal üçün, Qroznı hava
limanı Rusiya Federasiyası Nəqliyyat Nazirliyi tərəfindən tamamilə
bərpa olunub.
“Kommersant” nəşri isə yazır ki, hazırda hava limanının uçuş
zolağının təmiri üçün 7 milyard rubl tələb edirlər.
2013-cü ildə isə Ramzan Kadırov baş nazir Dmitri Medvedevdən
ərazilərin minalardan təmizlənməsi üçün 10 milyard rubldan 50
milyard rubla qədər əlavə vəsait xahiş etmişdi. Bu il o,
Çeçenistanın turizminin inkişafı üçün 18,6 milyard rubl pul
istəyirdi.
Çeçenistan rəhbərliyinin respublikada həyata keçirilən layihələri
xarici şirkətlərə verməsi də mübahisələrə yol açır. Misal üçün,
iqtisadiyyatda yeni texnologiyaların tətbiqi üçün hazırda İsveç
şirkəti ilə danışıqlar aparılır. Bu isə qənaətcil hesab
olunmur.
Dotasiyalar haqqında danışan Kadırov deyir: “Bu təbiidir. Çünki
Çeçenistan Respublikasının real statusu olduqca spesifikdir”.
Politoloq Pavel Svyatenkov izah edir ki, Çeçenistanın digər
subyektlərdən statusu daha yuxarı tutulur: “Bu, qeyri-rəsmi olsa da
belədir. Onun rəhbəri də digər regionların rəhbərlərindən yüksək
status daşıyır”.
Digər politoloq Konstantin Kalaçev hesab edir ki, mərkəzi
hakimiyyət Çeçenistanın qarşısında maliyyə məsələsində geri
çəkildi. Onun fikrincə, bu, gələcək üçün təhlükəlidir.
Ekspertlərə görə, Çeçenistanın addımları onun iqtisadi müstəqilliyə
can atdığına dair fikirlər yaradır. Bu isə mənfi tendensiyalara yol
açır. Belə ki, digər subyektlər də eyni addımı atmğa cəhdlər edə
bilərlər. Belə vəziyyət faktiki olaraq Rusiyanın parçalanmasına
gətirib çıxara bilər.
Asif
-
Qoroskop13:26
Aprelin bəxtəvər 3 bürcü - Şans ayaqlarına gələcək
-
Dünya12:50
Yəhudilər Netanyahunu devirməlidir, yoxsa... - Sensasion açıqlama
-
İdman12:20
Onun ilk çılpaq fotosessiyanın pulunu Maradona ödəyib - FOTOLAR
-
İqtisadi gündəm12:05
Bayram günlərində bu şəxslərə əlavə pul veriləcək
-
İdman11:03
"Neftçi"də nə baş verir? - Qruplaşmalar, daxili çəkişmələr...
-
Sosial10:31
Hətta xasiyyəti belə dəyişən ay - Daim içki içən şəxs Ramazanda oruc tutarsa...
-
Ekologiya09:57
Rayonlara qar yağdı, şaxta düşdü - FAKTİKİ HAVA
-
Region09:24
Almanlar Ermənistanın Azərbaycan və Türkiyə ilə sərhədində görün nə edirlər - FOTO