Dünya
Lavrov müharibədən danışıb üzr istədi və prezidentlə görüşə getdi - YENİLƏNDİ - CANLI
Rusiya XİN rəhbəri Balkanlarda müharibə təhlükəsindən
danışıb.
“Ümid edirəm ki, qarşıdurma olmayacaq. Tarix göstərir ki,
qarşıdurma heç kimə sərf etmir”, - deyə o bildirib.
Lavrov qeyd edib ki, Rusiya Estoniya ilə ikitərəfli
münasibətləri inkişaf etdirmək istəyir:
“Biz qarşıdurmanın olmasını istəmirik”.
O, rus hakerlərin ABŞ-dakı seçkiyə müdaxiləsi haqqında
deyilənləri qeyri-ciddi adlandırıb.
“Ciddi insanlar bununal məşğul olmaq istəmir. Artıq beynəlxalq
demaqoqluq köhnəlib”, - deyə o bildirib.
S.Lavrov Ukrayna münaqişəsində Minsk razılaşmasının əsas olduğunu
deyərək, konfransı yekunlaşdırıb və jurnalistlərdən üzr
istəyib.
Və qeyd edib ki, Moldova prezidenti ilə görüşdə iştirak
etməlidir.
****
S. Lavrov Vladimir Putinlə Donald Trampın görüşəcəyi
haqqında informasiyanın həqiqətə uyğun olmadığını
açıqlayıb.
O, Trampın “Rusiya nüvə silahını ixtisar edərsə,
sanksiyaların ləğvini təklif edə bilərəm” açıqlamasını şərh edərkən
bildirib ki, Moskva nüvə silahının ixtisarı məsələsinə faydalı işin
davamı kimi baxır:
“Trampın açıqlaması göstərir ki, o, sanksiyalarla bağlı
düşünəcək. Digər tərəfdən, əgər Rusiya ilə faydalı işlər görmək
istəyərlərsə, bu barədə düşünə bilərik. Lakin Trampın sözlərində
ümumilikdə heç bir təklif görmədim. Rusiya üçün prioritet
məsələlərdən biri strateji sabitlik üçün ABŞ-la dialoqun
yenilənməsi olacaq”.
Lavrov NATO qüvvələrinin Baltikyanı bölgəyə
yerləşdirilməsinə də münasibət bildirib.
“NATO-nun davranışları çox pisdir. NATO Rusiya ilə sərhəddə öz
qoşunlarını yerləşdirməkdən başqa heç nə edə bilmirsə, bu çox
kədərlidir, həmçinin bu, onlarda kəşfiyyatın pis işlədiyini
göstərir”, - deyə o bildirib.
****
Sergey Lavrov Astanada Suriya münaqişəsi ilə bağlı keçirilən görüş haqqında da danışıb:
“Biz Türkiyə və İranla Astanada görüş hazırlayırıq. Məqsədimiz
komandirləri siyasi prosesin normallaşmasına inandırmaqdır.
İnanıram ki, buna nail olacağıq. Biz bu görüşdə BMT və ABŞ
nümayəndələrinin iştirak etməsini istəyirik”.
Rusiya XİN rəhbəri ABŞ-ın yeni prezidenti Donald Tramp və
komandasının bəyanatlarının sərtləşməsini şərh edib.
“Biz realist düşünürük və ABŞ-ın yeni administrasiyasının necə
hazırlandığını görürük. Lakin yeni administrasiya fəaliyyətə
başlayandan sonra hansısa perspektivlər haqqında danışmaq mümkün
olacaq. Tramp və komandasının bəyanatlarını da izləyirik. Amma onu
da görürük ki, onlar ikili standart yanaşmaları qəbul etmirlər.
İnanırıq ki, terrorizmlə mübarizədə birgə hərəkət edə biləcəyik və
Trampın dövründə Suriya məsələsində ABŞ-la qarşılıqlı təsirlər
effektli olacaq”, - deyə o bildirib.
****
Rusiya xarici işlər naziri Sergey Lavrov 2016-cı ilin
yekunları ilə bağlı ənənəvi mətbuat konfransı keçirir.
Publika.az xəbər verir ki, konfransda Rusiyadan 160, xarici
ölkələrdən 300 jurnalist iştirak edir.
ABŞ-dan Rusiya diplomatlarının çıxarılmasını şərh edən Lavrov
bildirib ki, rus diplomatlar təzyiq altında idilər: “Amerika xüsusi
xidmət orqanları səfirləri ələ almaq üçün müxtəlif təkliflər irəli
sürürdülər”.
Bütün ölkələrlə bərabərhüquqlu münasibətlərə önəm verdiklərini
deyən S.Lavrov qeyd edib ki, Rusiya xaricdən dəyər idxal etmir.
“Demokratiya və dəyərlərin ixracı yaxşı heç nəyə gətirmir. Buna
nümunə kimi “ərəb baharı” və Ukraynanı göstərmək olar”, - deyə o
bidirib.
Asif
-
Qoroskop13:26
Aprelin bəxtəvər 3 bürcü - Şans ayaqlarına gələcək
-
Dünya12:50
Yəhudilər Netanyahunu devirməlidir, yoxsa... - Sensasion açıqlama
-
İdman12:20
Onun ilk çılpaq fotosessiyanın pulunu Maradona ödəyib - FOTOLAR
-
İqtisadi gündəm12:05
Bayram günlərində bu şəxslərə əlavə pul veriləcək
-
İdman11:03
"Neftçi"də nə baş verir? - Qruplaşmalar, daxili çəkişmələr...
-
Sosial10:31
Hətta xasiyyəti belə dəyişən ay - Daim içki içən şəxs Ramazanda oruc tutarsa...
-
Ekologiya09:57
Rayonlara qar yağdı, şaxta düşdü - FAKTİKİ HAVA
-
Region09:24
Almanlar Ermənistanın Azərbaycan və Türkiyə ilə sərhədində görün nə edirlər - FOTO