Moskvadan Suriya müxalifətinə yeni konstitusiya layihəsi
Bizi izləyin

Dünya

Moskvadan Suriya müxalifətinə yeni konstitusiya layihəsi

Moskva Suriya müxalifətinə yeni konstitusiya layihəsini təqdim edib.

Moskva Suriya silahlı müxalifətin nümayəndələrinə yeni konstitusiyanın layihəsini təqdim edib.

Publika.az xəbər verir ki, bu barədə Astanadakı danışıqlarda iştirak edən Rusiya nümayəndə heyətinin rəhbəri Aleksandr Lavrentyev bildirib.

Onun sözlərinə görə, layihə rusiyalı mütəxəssislər tərəfindən hazırlanıb.

“Xüsusilə qeyd etmək istərdim ki, biz, konstitusiyanın nəzərdən keçirilməsi və qəbul edilməsi prosesinə heç bir müdaxilə etmədən, bu prosesi tezləşdirilmək və ona əlavə stimullaşdırıcı təkan vermək istəyirik. Biz bunu yalnız bu səbəbdən etdik”, - deyə Lavrentyev qeyd edib.

Qeyd edək ki, Rusiya, İran və Türkiyə Astanada keçirilmiş iki gülük danışıqların yekunlarına dair birgə bəyanat qəbul ediblər. Tərəflər bəyanatda atəşkəs rejiminə nəzarət mexanizminin yaradıldığını elan ediblər. Mexanizmin detalları Tehran, Moskva və Ankara arasında hərbi kanalların vasitəsilə işləniləcək. (apa)

Oxumağa davam et
Reklam
Reklam

Gündəm