Dünya

ABŞ səfiri: “İki paytaxtda səhv təəssürat formalaşıb”

8 May 2014 14:02

Xəbər verdiyimiz kimi, dünən ATƏT-in Minsk Qrupunun amerikalı həmsədri Ceyms Uorlik Vaşinqtondakı Karnegi Mərkəzində Qarabağ probleminə dair geniş məruzə ilə çıxış edib.

Publika.az erməni mediasına istinadən xəbər verir ki, ABŞ-ın Ermənistandakı səfiri Con Heffern amerikalı həmsədrin çıxışını şərh edib.

Səfir Ceyms Uorlik tərəfindən münaqişənin nizamlanması üzrə 6 təməl elementin niyə məhz indi açıqlanmasına aydınlıq gətirib. O, bildirib ki, bunun üç səbəbi var:

“Birincisi, atəşkəs barədə sazişdən 20 il keçir və sazişin müddəti başa çatır. İkincisi, son aylarda münaqişənin nizamlanma prosesində irəliləyiş yoxdur. Üçüncüsü, həmsədr ABŞ-ın siyasətini təqdim etmək, Dağlıq Qarabağ ilə ona bitişik ərazilərin statusunu ayırmaq istəyirdi. Çünki, iki paytaxtda, iki cəmiyyətdə və Dağlıq Qarabağda elə bir təəssürat formalaşıb ki, Dağlıq Qarabağ ilə ona bitişik ərazilərə ümumi çərçivədə baxılır”.

Ömər Dağlı