Çavuşoğlu: Niderlandın etdikləri cavabsız qalmayacaq
Bizi izləyin

Dünya

Çavuşoğlu: Niderlandın etdikləri cavabsız qalmayacaq

"Biz necə lazımdır buna reaksiya verəcəyik".

Türkiyə XİN rəhbəri Mövlud Çavuşoğlu Niderlandın etdiklərinin cavabsız qalmayacağını deyib.

Publika.az xəbər verir ki, Çavuşoğlunun sözlərinə görə, onun Roterdama gedə bilməməsi ən çox Gert Vildersi sevindirib.

"Mənim Roterdama gedə bilməməyim ən çox Gert Vildersi sevindirdi, amma qərarı baş nazir qəbul etdi. Onda onların arasında nə fərq var? Heç bir fərq yoxdur, elə həmin fikirlər və faşizm. Bu, cavabsız qalmayacaq. Biz necə lazımdır buna reaksiya verəcəyik".

Qeyd edək ki, bu gün Niderland Türkiyənin XİN rəhbəri Mövlud Çavuşoğlunun təyyarəsinə uçuş icazəsini ləğv edib. M.Çavuşoğlu Niderlandda Türkiyə konstitusiyasına düzəlişlərə dəstək mitinqlərində iştirak etmək üçün Rotterdama getməyi palnlaşdırırdı.

Ərdoğan bu hərəkəti edən Niderland hökumətini faşist adlandırıb: " İstədiyiniz qədər təzyiq göstərin, istədiyiniz qədər terrorçuları ölkənizdə bəsləyin. Bunların hamısı sizin ölkənizə qarşı dönəcək".

Çavuşoğlu isə Niderlanda qarşı ciddi sanksiyalar tətbiq ediləcəyini deyib. (Trend)

Oxumağa davam et
Reklam
Reklam

Gündəm