Dünya
Kiyevdə həlak olanlardan biri Ermənistan vətəndaşıdır - YENİLƏNDİ -VİDEO- FOTOLAR
Son vəziyyət. "Berkut" etirazçıları "Dinamo" stadionunun qarşısından çıxarıb. İndiyədək etirazçıların barrikada qurduğu mövqelərdə indi təhlükəszilik qüvvələrinin qalxanlı əsgərləri sıraya düzülüb. Əsgərlərin arxa mövqelərindən zirehli hərbi maşın çıxara ön çərgəyə yaxınlaşıb. Azadlıq meydanın kütləvi etiraz mitinqi isə davam edir.
BAŞ NAZİR QARŞIDURMAYA GÖRƏ AKSİYAÇILARI İTTİHAM EDİR
Ukraynanin Baş naziri Mykola Azarov bu gün hökumətin toplantısında çıxışında paytaxtda baş verən qarşıdurmaya görə aksiyaçıları ittiham edib. Baş nazir bildirib ki, ifrat sağçı Ukrayna hadisələri 19Yanvar üsyançılar və Maydanın radikal qanadı polisə bıçaq, partlayıcı vasitələrlə hücum edərək kütləvi iğtişaşlara səbəb olub, maşınları, binaları yandırıblar:
- Bu iğtişaşların iştirakçıları dinc aksiyaçılar, ya da nümayişçilər hesab oluna bilməzlər. Onlar cinayətkarlardır və əməllərinə görə cavab verməlidirlər.
Baş nazir polisi belə hadisələrin bird aha təkrar olunmaması üçün qabaqlayıcı tədbirlər görməyə çağırıb:
- Ukraynanın Baş naziri kimi rəsmən bəyan edirəm ki, təəssüf ki, artıq baş vermiş insan tələfatına görə də məsuliyyət bu aksiyanın təşkilatçıları və kütləvi iştişaşın bəzi iştirakçılarının üzərinə düşür. Mən polisi də bu cinayətləri araşdırmağa və gələcəkdə belə hadisələrin bird aha da təkrar olunmaması üçün qabaqlayıcı tədbirlər görməyə çağırıram.
AVROPA KOMİSSİYASI UKRAYNADA TƏRƏFLƏRİ GÜC TƏTBİQİNİ DƏRHAL DAYANDIRMAĞA ÇAĞIRIR
Avropa Komissiyasının prezidenti Jose Manuel Barroso yanvarın 22-də Brüsseldə keçirdiyi brifinqdə Ukraynada tərəfləri güc tətbiqindən çəkiməyə çağırıb:
- Biz Ukraynada aksiyaçılar arasında tələfatın olması barədə xəbərlərdən şoka düşmüşük. Həlak olanların ailələrinə dərin hüznlə başsağlığı veririk. Biz güc tətbiqindən olduqca üzgünük və bütün tərəfləri dərhal buna son qoymağa, vəziyyəti sabitləşdirmək üçün addımlar atmağa çağırırıq.
Barroso qeyd edir ki, Ukraynada vəziyyəti narahatlıqla izləməkdə davam edirlər: “Həmçinin də Avropa Birliyinin ata biləcəyi addımları, indiki hadisələrin Ukrayna ilə gələcək münasibətlərimizə mümküntəsirlərini qiymətləndirməkdəyik” – deyə Avropa Komissiyasının prezidenti bildirib.
20 YAŞLI ERMƏNİNİN SNAYPERLƏ VURULDUĞU BİLDİRİRLİR
Erməni mənbələrinin məlumatına görə yanvarın 22-də Kiyevdə
polislə aksiya iştirakçıları arasında toqquşmalarda həlak
olanlardan biri 20 yaşlı ermənistan vətəndaşı Serhiy/Serzh
Nihoyan-dır. O, səhər saatlarında Kiyevdə Dinamo stadionu
yaxınlığında öldürülüb. AzadlıqRadiosunun erməni xidməti
Serhiy/Serzh Nihoyan-ın snayperlə vurulmasına dair məlumatlar
olduğunu yazır.
Serhiy/Serzh Nihoyan Kiyevə ötən ilin dekabrında gedibmiş.
Qeyri-rəsmi məlumatlara görə o, Avromaydanın mühafizəsi ilə məşğul
olan dəstəyə qatılıbmış.
Yanvarın 22-də baş verən qarşıdurmada azı iki nəfərin güllə yarasından həlak olması barədə xəbərlər var. Aksiyaçılar onları polisin öldürdüyünü, Daxili İşlər Nazirliyi isə döyüş güllələrindən istifadə olunmadığını bildirir.
Ukrayna polisi paytaxt Kiyevdəki barrikadalara hücum edib aksiyaçıları oradan uzaqlaşdırmağa çalışır. Paytaxtı küçələrində hələ də ayrı-ayrı yerlərdə toqquşmalar davam edir. Aksiyaçılar polisə daş, Molotov kokteylləri atırlar. Polis isə göz yaşardan qaz, səs bombaları, dəyənəklərdən istifadə edir.
Müxalifət liderlərindən Arseniy Yatsenyuk özünün social şəbəkələrdəki hesabında prezident Viktor Yanukovych-in onu və daha iki müxalifət liderini görüşə dəvət etdiyini bildirir. Görüş günrota saatlarına nəzərdə tutulur.
Prezident yanvarın 22-də aksiyaçıları “siyasi radikallara” qoşulmamağa çağırıb.
TOQQUŞMA QURBANLARININ SAYI ARTIR
Kiyevdə Qruşevski küçəsində baş verən toqquşmalarda iki
nümayişçi öldürülüb. Daha bir nəfər isə aldığı xəsarətlərdən
xəstəxanada ölüb.
Müxalifət bildirir ki, hər 3 ölüm hadisəsinə görə hökumət qüvvələri
məsuliyyət daşıyır. Hakimiyyət isə bildirib ki, qarşıdurma zamanı
xüsusi təyinatlılarda silah olmayıb.
16.20
Kiyevdə nümayişlərin keçirildiyi Qruşevski küçəsinə zirehli maşınlar (BTR) yeridilib.
Publika.Az –ın verdiyi xəbərə görə, bu barədə “unian.net” saytı yazıb.
Xəbərə görə, “Berkut” xüsusi təyinatları zirehli maşınların arxasında dayanıblar.
“Üçüncü Ukrayna Respublikası” hərəkatının rəhbəri Yuri Lusenko isə UDAR Partiyasının lideri Vitali Kliçkonun başçılığı ilə müvəqqəti icraiyyə komitəsinin yaradılmasını təklif edib. O, keçirdiyi brifinqdə bildirib ki, Ukraynada müstəmləkə keçmişi ilə Avropa gələcəyi arasında müharibə gedir. Onun sözlərinə görə, müxalifət ölkənin yenidən qurulması üçün öz planını təklif etmədiyi üçün günahkardır.
Lusenko qeyd edib ki, prezident Viktor Yanukoviç və müxalifət liderləri arasında müzakirə olunacaq yeganə məsələ 16 Yanvar tarixində qəbul edilmiş qanunun ləğvi deyil, Yanukoviçin postundan kənarlaşdırılması olmalıdır. “Paytaxt mərkəzində vətəndaşların maksimal səfərbərliyinə nail olmaq lazımdır. Bu nümayişçilər arasında qurbanların azaldılması üçün tək yoldur”, -“Üçüncü Ukrayna Respublikası” hərəkatının rəhbəri söyləyib.
Ukrayna mətbuatının yazdığına görə, “Berkut” xüsusi təyinatlıları Qruşevski küçəsində yaralılara ilkin yardım edən həkimləri döyüb. “Berkut” artıq “Qırmızı Xaç” nişanını görmür”, - mətbuat yazır.
Ömər Dağlı
15.20
Kiyev toqquşmalarında həlak olanların sayı artır
Kiyevdə Qruşevski küçəsində baş verən toqquşmalarda iki
nümayişçi öldürülüb. Daha bir nəfər isə aldığı xəsarətlərdən
xəstəxanada ölüb.
Müxalifət bildirir ki, hər 3 ölüm hadisəsinə görə hökumət qüvvələri
məsuliyyət daşıyır. Hakimiyyət isə bildirib ki, qarşıdurma zamanı
xüsusi təyinatlılarda silah olmayıb.
Bu gün
səhər "Dinamo" stadionunun yanında Dnepropetrovskdan olan 20 yaşlı
fəal Sergey Niqoyan güllələnib. Şahidlərin sözlərinə görə, atəş
qonşu evlərin birinin 6-cı mərtəbəsindən - snayperdən açılıb.
Etirazçılar Niqoyanın ölümünə cavab olaraq xüsusi təyinatlı milisə
hücum etmək üçün hazırlıqlara başlayıb. Ancaq "Berkut"çular daha
tez hücuma keçib.
AzadlıqRadiosunun Kiyevdəki müxbiri bildirir ki, bu hücum vaxtı
daha bir nümayişçi öldürülüb.
Hökumətin iclasında baş nazir Nikolay Azarov bildirib ki, DİN
əməkdaşlarının əlində silah olmayıb.
Ukrayna müxalifəti bildirir ki, güllələnən Ukrayna vətəndaşlarına
görə prezident Yanukovich və daxili işlər naziri Zaxarçenko
məsuliyyət daşıyır.
Müxalifət səfərbərlik elan edib və tərəfdarlarını bu axşam Meydana
çağırıb.
Ukraynada vəziyyətin gərginləşməsinə görə Ukrayna müxalifəti,
ekstremist qüvvələr və Qərb siyasətçiləri məsuliyyət daşıyır.
Bunu Rusiya Dövlət Dumasının deputatları bildirib.
Xarici siyasətçiləri Ukraynanın daxili işlərinə müdaxilə etməməyə
çağıran Dövlət Dumasının bəyanatını 388 deputat dəstəkləyib.
13.44
Kiyevin Qruşevski küçəsində nümayişçilərlə təhlükəsizlik qüvvələrinin qarşıdurmasında ölənlərin sayı 4-ə çatıb. Bu barədə espreso.tv vəbər verir.
Son olaraq öldürülən şəxsin yaşının 20-25 olduğu, kimliyinin hələ müəyyənləşdirmədiyi bildirilir. Məlumata görə, döş qəfəsinə açılan atəş nəticəsində yaralanan nümayişçi səhər saat 8 radələrində xəstəxanaya gətirilib. O, xəstəxanaya gətiriləndə artıq ölmüşdü.
13.07
Son vəziyyət. Ukrayna mediasının məlumatına görə, Kiyevdə nümayişçilər arasında baş verən toqquşmadalarda iki nəfər həlak olub.
BBC Ukrayna xidmətinin məlumatına görə, bu gün səhər daha bir
gənc ölüb. O Qruşevski küçəsində baş verən qarşıdurmalarda dörd
güllə yarası alıbmış.Bundan əvəl isə Maydan Özünümüdafiə Qərargahı
Qruşevski küçəsindəki toqquşmalarda 22 yaşlı fəalın ölməsi haqda
məlumat yayıb.
Onun nümayişçilərin milisə butulka və yandırıcı maddələr atdığı
"Dinamo" stadionunun 13 metrlik sütunlardan yıxıldığı bildirilir.
Həlak olanlar barədə hələ rəsmi məlumat yoxdur.
Gazeta.ua xəbər verir ki, ötən gecə Qruşevski küçəsində milis
etirazçılara qarşı su şırnağı tətbiq edib. Beynəlxalq standartlara
görə mənfi temperaturda su şırnağından istifadə etmək işgəncəyə
bərabərdir.Aksiya iştirakçıları milisə yandırcı maddələr və daşlar,
milis isə onların üstünə səs qumbarası və tüstü buraxan şaşkalar
atıb.
Bu gündən Ukraynada etiraz aksiyalarında iştirak etdiyinə görə
böyük cərimələr və həbsləri nəzərdə turan qanun qüvvəyə
minir.Müxalifət Ukraynada baş verənlərə görə məsuliyyəti prezident
Viktor Yanukovychin üstünə qoyur.
Yanukovych böhranın həlli ilə bağlı danışıqlara razılıq versə də,
özü bu danışıqlarda iştirak etmir.Hakim Regionlar Partiyası
bildirir ki, müxalifət fəallar üzərində nəzarəti itirib. Buna görə
də prezidenti Kiyevdə fövqəladə vəziyyətin tətbiqinə qədər sərt
tədbirlər görməyə çağırır.
Yanvarın 19-dan Kiyevin mərkəzində baş verən toqquşmalarda indiyə
qədər 200 nəfər xəsarət alıb. Onlardan 35 media
nümayəndələridir.
Ukrayna mətbuatı Grushevski küçəsində bir nəfər etirazçının həlak
olması haqda xəbər verir. Onun şəxsiyyəti məlum deyil, şahidlərin
dediyinə meydanda cansız uzanıb qalan şəxs tapılıb. Hüquq-mühafizə
orqanlarından AzadlıqRadiosunun Ukrayna xidmətinə bildiriblər,
hadisəni araşdırıb nəyin baş verdiyini aydınlaşdırmağa
çalışırlar.
Qruşevski meydanında polis mövqelərindən dinamiklərlə etirazçılara
müricət oxunur, onları qanunu pozmamağa, dağılışmağa çağırırlar.
Etirazçıları bütün gecəni olduğu kimi, dəmir döyəcləməklə cavab
verirlər.
Yanvarın 22-də səhər saatlarında Təhlükəsizlik qüvvələri Dinamo
stadionu qarşısında toplaşan etirazçılara hücum edərək onları
dağıdıb. Bütün gecəni qarşı-qarşıya duran etirazçılar və polis
arasında əvvəlki günlərə nisbətən az toqquşmalar baş verib.
Xristian kilsəsinin nümayəndələri əllərində xaç bütün gücəni
onların arasında duraraq tərəfləri sülhə çağırıb. Səhər saatlarında
güclü şaxtanın təsirindən etirazçıların sırası xeyli seyrəlib. Ona
görə təhlükəsizlik qüvvələri asanlıqla onları ərazidən qovaraq
Grushevski küçəsində qurulan barrikadları təmizləmyə başlayıb.
Lakin bir qədər sonra Maydandan köməyə gələn etirazçılar polisi
geri çəkilməyə məcbur edib.
Yanvarın 22-də parlamentin mitinqlərin yasaq edilməsi haqda qərarı
qüvvəyə minir. Bu gün həm də Ukraynada dini həmrəylik günüdur.
Maydana tolaşanlar sonadək durmaq əzmində olduğunu bəyan
edirlər.
Yanvarın 21-də axşam Maydanda keçirilən mitinqdə elan olundu ki,
Grushevki küçəsində hakimiyyətə "səs silahı" ilə cavab verilsin,
burada bir an da olsun durmadan dəmir döyəclənsin. Burada tərəfləri
bir neçə metr ayırır. Etirazçılar barrikada qurublar, polis isə
qalxanlarla kordon yaradıb. Kordonun arxasında suatan maşınlar
hazır vəziyyətdədir.
Hakimiyyətlə müxalifət arasında danışıqlar növbəti dəfə baş
tutmadı. Hakimiyyəti prezident administrasiyasının rəhbəri təmsil
etdiyindən müxalifətdən olan millət vəkilləri danışıqlardan imtina
ediblər. Onlar birbaşa prezient Yanukovichlə danışmağa razı
olduqlarını bildiriblər. Hakimiyyət müxalifəti ittiham edir ki,
kütləyə nəzarəti itirib. Müxalifət isə gənclərin radikallığını
hakimiyyətin mürtəci qərarlarında görür.
Hər 2 tərəfin Kiyevə qüvvə topladığı haqda xəbərlər daxil olur.
Hakimiyyət ordu və polis bölmələrini paytaxta çəkir. Müxalifətin
tərəfdarları isə Maydanı qorumaq üçün Kiyevə gəlir. AzadliqRadiosu
Ukrayna xidmətinin məlumatına əsasən, Maydana köməyə gələnlər
arasında Krım tatarları da var.
“Qolos Ukrainı” (“Ukraynanın səsi”) qəzeti yanvarın 21-də icazəsiz
mitinqlərdə iştirakı sərtləşdirən qanunu dərc edib.Yanvarın 16-da
parlamentdə qəbul olunan və bir gün sonra prezidentin imzaladığı
qanuna görə icazəsiz mitinqlər və aksiyalarda iştirak edənləri
yüksək məbləğdə cərimə və həbs gözləyir.
Müxalifətyönlü deputatlar parlament nəşrinin bu nüsxəsinin çap
olunmasının qarşısını ala bilməyib. Qanun yanvarın 22-dən qüvvəyə
minir.
Yanvarın 20-dən 21-nə keçən gecə paytaxt Kiyevin Maydanına yığışan
etirazçılar xüsusi qüvvələrin zərbəsini gözləyiblər. UDAR-ın lideri
Vitali Kliçko bildirib ki, fəallar təxribatın qarşısını
alıblar.
“Avromaydan” fəalları muzdla tutulmuş 20-yə yaxın gənci
saxladıqlarını bildirirlər. Onların sözlərinə görə, “tituşek”
adlandırdıqları bu gənclər dava salmağı, maşınların, mağazaların
vitrinlərini sındırmaq, nəqliyyatın hərəkətinə mane olmağı təşkil
edirlər.
Media nümayəndələri şəhərin mərkəzində beşə yaxın “tituşek”
qrupu sayıblar.“Dinamo” stadionunda nümayişçilərlə xüsusi
təyinatlıların qarşıdurması davam edib.
Gecə saat 3-də “Berkut” nümayişçilərə qarşı gözyaşardıcı qazdan,
dəyənəkdən və travmatik silahlardan istifadə edib.
Tibb işçiləri deyirlər ki, bir çox yaralı döyüş yarası alıb. Ən
geniş yayılmışı – qulaq pərdəsinin yırtılması və qəlpə
yaralarıdır.Həmkarlar Evində səhra hospitalının komendantı Sofii
Pilipçuk yanvarın 19-dan bəri yalnız bir hospitalda 400-dən çox
yaralıya tibbi xidmət göstərildiyini deyir. Bəzi yaralılar iğtişaş
iştirakçısı ittihamı ilə həbs olunmaqdan ehtiyat etdikləri üçün
Kiyev xəstəxanalarına üz tutmayıblar.
Səhər saatlarında “Avromaydan” hərəkatının liderlərindən biri İqor
Lucenkonun oğurlanması xəbərləri yayılıb. Hadisənin Kiyev
xəstəxanalarından birində baş verdiyi bildirilir. O, toqquşmada
zərər çəkmiş Yuri Verbiskovu xəstəxanaya aparıbmış. Naməlum şəxslər
xəstəxanaya zorla girib hər ikisini tutublar. Onların hara
aparıldığı bilinmir.
Müxalifət liderləri xəbərdarlıq edirlər ki, Ukrayna prezidenti
Viktor Yanukoviç baş verən hadisələr üçün məsuliyyət daşıyır. Onlar
bildiriblər ki, “güc göstərilməsi və vətəndaşların tələblərinə
saymazyanalıq indiki hakimiyyətin faciəsi ilə bitəcək”.
Viktor Yanukovich müxaliftlə danışıqlara başlanmasına göstəriş
verib. Müxalif liderlər isə danışıqlarını yalnız prezidentlə apara
biləcəklərini bildiriblər.
10.12
Kiyevin Qruşevski küçəsində keçirilən nümayişlərdə artıq bir ölüm faktı qeydə alınıb.
Publika.Az –ın “unian.net” saytına istinadən verdiyi məlumata görə, xəbər Meydanın özünümüdafiə qərargahından da təsdiqlənib.
22 yaşlı nümayişçinin qarşıdurmalar zamanı “Dinamo” stadionunun 13 metrlik sütunun üzərindən düşdüyü bildirilir. Ağır yaralanan gənc xəstəxanada ölüb.
Saytın yazdığına görə, təhlükəsizlik gücləri sütunların üzərində dayanan nümayişçilərə fişənglərlə atəş açıb və “Molotov” kokteylləri atıblar.
Ömər Dağlı
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb
-
İdman23 Aprel 22:48
Son çempion boşanır: uşaqlıqdan başlayan nağıl bitir
-
Dünya23 Aprel 21:36
Məşhur bloqer helikopterdən bir çanta pulu çimərliyə SƏPƏLƏDİ - VİDEO