Dünya

Türkiyədə üç günlük matəm elan edildi

14 May 2014 13:42

Türkiyədə baş verən mədən partlayışına görə ölkədə 3 günlük matəm elan edilib.

“Publika.az” Türkiyə mətbuatına istinadən xəbər verir ki, dünən Manisa şəhərindəki kömür mədənində baş veərn partlayışda 205 nəfərdən çox işçi ölüb. Yüzlərlə yaralı var. Faiciəyə görə Baş nazir tərəfindən 13 may tarixindən etibarən üş günlük matəm elan edilib.

Türkiyənin Enerji və Təbii Ehtiyatlar naziri Taner Yıldız hazırda axtarış-xilaetmə əməliyyatının davam etdiyini, amma zamanın onların əleyhinə olduğunu deyib. Yıldız baş verən hadisənin səbəbləri haqqında hələlik hər hansı bir versiya irəli sürülməsinin tez olduğunu da vurğulayıb. Onun sözlərinə görə, faktla bağlı cinayət xarakterli məsələlər üzə çıxdığı təqdirdə cavabdeh şəxlər cəzalandırılacaq.

Qeyd edək ki, mədəndə partlayışa elektrik trasfarmatorunda yarnmış qısaqapanmanın səbəb olduğu bildirilir. Taner Yıldız qəza vaxtı şaxtada 787 nəfər olduğunu, hələlik yalnız 363 işçinin xilas edildiyini də açıqlayıb.

Vüsal Tağı