“Biz müharibəyə başlayacağıq!” - ŞOK XƏBƏRDARLIQ
Bizi izləyin

Dünya

“Biz müharibəyə başlayacağıq!” - ŞOK XƏBƏRDARLIQ

Çin qərarı tanımayıb.

Pekin mübahisəli şelfdə neftçıxarma ilə əlaqədar Filippin prezidenti Rodrigo Duterteyə müharibə təhlükəsi haqqında xəbərdarlıq edib.

Publika.az “Röyters” agentliyinə istinadən xəbər verir ki, bu haqda Filippin prezidenti bildirib.

“Manila Cənubi Çin dənizindəki mübahisəli ərazidə neft çıxartmağa başlayacağı halda, Çin Xalq Respublikasının sədri Si Cinpin müharibə təhlükəsiz haqqında xəbərdarlıq edib”, - o deyib.

Prezidentin sözlərinə görə, Çin lideri ilə söhbətində mübahisəli ərazinin Filippinə aid olduğunu, neft hasilatına başlamaq niyyətində olduqlarını söyləyib.

“O mənə cavab verdi: “Biz dostlarıq, biz sizinlə dalaşmaq istəmirik, biz yaxşı münasibətləri dəstəkləyirik. Amma əgər siz təkid edəcəksinizsə, biz müharibəyə başlayacağıq”, - Duterte bildirib.

Duterte qeyd edib ki, xəbərdarlıq ciddi, amma dostcasına səsləndi.

Çin və regionun digər ölkələri - Yaponiya, Vyetnam və Filippin arasında dəniz sərhədləri, həmçinin Cənubi Çin və Şərqi Çin dənizlərində məsuliyyətin zonaları üzrə fikir ayrılıqları var. Çin hesab edir ki, Filippinlər və Vyetnam regionda gərginliyin artırılması üçün ABŞ-ın dəstəyindən şüurlu olaraq istifadə edir.

Çin və ətrafındakı demək olar ki, bütün qonşularının qarşı-qarşıya gəldiyi Cənubi Çin dənizi regionunda gərginlik zaman-zaman pik nöqtəsinə çataraq yenidən azalır. Regionda yerləşən ölkələrə ABŞ-ın dəstək verməsi vəziyyəti gərginləşdirən amillərdən sayılır.

2016-cı ilin iyulunda Haaqa Arbitraj Məhkəməsinin daimi palatası Filippinin iddiası üzrə qərara aldı ki, Çin Cənubi Çin dənizində ərazi iddiaları üçün əsaslara malik deyil. Çin qərarı tanımayıb.

Ömər

Oxumağa davam et
Reklam
Reklam

Gündəm