Müharibəyə səbəb olacaq QƏRAR: Rusiya sərhədində yeni “dövlət” YARADILIR
Bizi izləyin

Dünya

Müharibəyə səbəb olacaq QƏRAR: Rusiya sərhədində yeni “dövlət” YARADILIR

Ukraynanın şərqində yaradılan “Donetsk Xalq Respublikası” terror təşkilatının başçısı Aleksandr Zaxarçenko “Malorusiya dövləti”nin yaradılmasını elan edib.

Publika.az “RİA-Novosti” agentliyinə istinadən xəbər verir ki, Zaxarçenko bu haqda jurnalistlərə bildirib.

Onun sözlərinə görə, yeni dövlətin yaradılması üçün keçid dövrü 3 il çəkəcək.

“Vəziyyət dalandadır. Biz ölkənin reinteqrasiyası planını təklif edirik. Vətəndaş müharibəsini dayandırmaq üçün vəziyyəti müzakirə etdik və nəticəyə gəldik ki, Ukrayna özünü baş tutmayan dövlət kimi göstərdi. Kiyev rejimi vətəndaş müharibəsinə son qoymaq vəziyyətində deyil. Vəziyyətdən çıxış yolu Malorusiya dövlətini təsis etməkdir. Malorusiya müstəqil gənc dövlətdir”, - Zaxarçenko deyib.

Qeyd edək ki, Kiyev “DXR” və “LXR”i (Rusiya onları “xalq respublikaları” adlandırır –red.) tanımır, onların nəzarəti altında olan əraziləri işğal edilmiş, hərbi gücləri isə terror qrupları hesab edir.

Ömər Dağlı

Oxumağa davam et
Reklam
Reklam

Gündəm