Rusiyada dəhşətli YANĞIN: Şəhərdə fövqəladə rejim tətbiq edildi - VİDEO - YENİLƏNDİ
Bizi izləyin

Dünya

Rusiyada dəhşətli YANĞIN: Şəhərdə fövqəladə rejim tətbiq edildi - VİDEO - YENİLƏNDİ

Rostov-na-Don hakimiyyəti yanğınla əlaqədar fövqəladə vəziyyət rejimi tətbiq edib. Son məlumatlara görə, yanğının baş verdiyi ərazinin 500 sakini təxliyyət edilib. Yanğının sahəsi 7 min kvadrat kilometr təşkil edir. Üç zərərçəkənin xəstəxanaya yerləşdirildiyi bildirilir.

***

Rusiyanın Rostov-na-Don şəhərində böyük ərazidə yanğın baş verib.

Publika.az xəbər verir ki, “RİA-Novosti” agentliyinin hadisə yerində olan müxbirinin məlumatına görə, Nijeqorod küçəsi ev 33-də başlanan yanğın sonra qonşu birmərtəbəli yaşayış evlərinə keçib.

Yanğın hazırda 10-dan çox həyət evini əhatə edib. Güclü külək yanğının tezliklə böyük əraziyə yayılmasına səbəb olub. Külək həmçinin yanğınsöndürənlərin işini çətinləşdirir.

İnsanlar qonşu evlərdən təxliyyə olunmağa başlanıb. Həlak olanlar və yaralılar haqda informasiyalar yoxdur.

Son məlumatlara görə, yanğın sahəsi 6 min kvadrat metrə qədər artıb. Yanğının söndürülməsinə Mi-8 vertolyotları cəlb edilib.

Yanğın hələ yaxınlıqdakı iki çoxmərtəbəli binaya çatmayıb. Amma bəzi sakinlər artıq mənzillərdən qiymətli əşyaları çıxarmağa başlayıb.

Ömər Dağlı

Oxumağa davam et
Reklam
Reklam

Gündəm