Qasırğanın DƏHŞƏTLƏRİ: “2 körpəm gözlərimin önündə həlak oldu…”
Bizi izləyin

Dünya

Qasırğanın DƏHŞƏTLƏRİ: “2 körpəm gözlərimin önündə həlak oldu…”

“Mariya” qasırğasından sonra Dominikan adasında həyat iflic olub. Ötən həftə baş verən fəlakət 800 sakini evsiz-eşiksiz qoyub.

Baş nazir Roosevelt Skerrit yerli televiziya kanalına müsahibəsi zamanı deyib ki, dəhşətli hadisədən sonra ərazidə ölüm sayının yüzlərlə olmaması möcüzədir.

Publika.az xəbər verir ki, nazir dünya ölkələrindən gələcək yardıma ehtiyac olduğunu vurğulayaraq, bildirib ki, hazırda ərazidə yaşayan əhalinin qida və yaşayış yerləri ilə təmin olunmasına ehtiyac var. Hər gün azyaşlılar acından ölür, qasırğanın öldürmədiyi əhali qida çatışmazlığından həlak olur.

Ərazidə 800 nəfərdən çox sakinin dərmana ehtiyacı var. Baş nazir Ruzvelt Skerritin sözlərinə görə, tək bir küçə deyil, bütün ada 280 km/saat sürətlə əsən (175mph) küləklərin qurbanı olub.

Fırtınada 27 nəfərdən çox insan həlak olub. Təbiət artıq özü özünü məhv etməyə başlayıb. Bütün iş yerləri və infrastruktur, kənd təsərrüfatı sahələri məhv olub.

BBC-nin hadisə yerindən hazırladığı reportajda, 75 yaşlı Ashton Tomas həyat yoldaşının belə cəsədini xilas edə bilmədiyini deyib: "27 ildir burada yaşayıram bir gün bir fırtınanın bütün həyatımı məhv edəcəyini düşünmürdüm”.

6 uşaq anası Anna Mariya deyib ki, adıma nifrət edirəm: "Bu fəlakət “Mariya” qasırğası adlanır. Bütün həyatımda yaşadığım ən dəhşətli anı mənə yaşatdı. 2 körpəmi gözlərimin önündə məndən aldı. Evimizin mətbəxi bir an içində uçdu və mən onları xilas edə bilmədim".

Mütəxəssislər, seysmoloqlar isə fəlakətin növbəti ünvanını dəqiqləşdirməkdə çətinlik çəkirlər.

Könül Cəfərli

Oxumağa davam et
Reklam
Reklam

Gündəm