Dünya

Dəniz Baykalın həyati təhlükəsi davam edir

18 Oktyabr 2017 09:51

Ankara Universiteti İbn Sina Xəstəxanasına yerləşdirilən millət vəkil Dəniz Baykalın səhhəti ilə bağlı həkim, professor Erkan İbiş açıqlama verib.

Publika.az xəbər verir ki, mətbuata açıqlama verən həkim D.Baykal haqqında yayılan “ölüm” xəbərlərini təkzib edib: “Dəniz Baykal 3 ciddi əməliyyat keçirib. Beyin tomoqrafiyası zamanı xəstənin beynində şiş aşkarlanıb. Dərhal müdaxilə edilib. Prosesin artması dayandırlsa da, hələ də həyatı təhlükəsi davam edir. Stend qoyulub. Beyinə gedən bütün damarlar təmizlənib. Hələ ki, vəziyyətində mənfi-müsbət heç bir ciddi dəyişiklik müşahidə edilimir. Ani təzyiq səbəbindən baş verən qanaxma dayandırılıb. Hazırda şüuru qapalıdır. Hazırda dərman müalicəsi ilə yatızdırılır. Onun yatızdırılması beyindəki proseslərin sabitləşməsi və beynin istirahəti üçündür”.

Həkim onu da qeyd edib ki, ağ ciyərində də infeksiya olduğu deyilən D.Baykalın tənəffüs sistemində də problem var.

Könül Cəfərli