Dünya
Ərdoğan türk imperiyasından danışıb MEYDAN OXUDU: “Bir gecə qəfil gələcəyik və...”
“Türkiyə terror mühasirəsi ilə qarşı-qarşıyadır”.
Publika.az xəbər verir ki, bu barədə Türkiyə prezidenti
Rəcəb Tayyip Ərdoğan deyib.
Onun sözlərinə görə, bu terror mühasirəsi böyük bir ssenarinin
tərkib hissəsidir.
“Türkiyə FETÖ, PKK, İŞİD kimi terror qruplaşmaları ilə mübarizə
aparır. Terror mühasirəsi ilə qarşı-qarşıyayıq. Bölgəmizdəki digər
ölkələrdə oynadıqları oyunu bizə də tətbiq etməyə çalışdılar, amma
məqsədilərinə çata bilmədilər. Bir müddətdir yeni və daha böyük bir
ssenari ilə üz-üzəyik. Məqsədi ölkəmizi bölməkdir”, - deyə o
bildirib.
Ərdoğan daha sonra sətiraltı olaraq, keçmiş Osmanlı imperiyasının
sərhədlərində yaşayan xalqlardan bəhs edib.
“Türkiyə sadəcə 80 milyondan ibarət deyil. Türkiyənin ən böyük gücü
geniş bir coğrafiyada ortaq tarixi keçmişlə bağlı olduğu yüz
milyonlarla qardaşının olmasıdır. Sancaqda, Novi bazarda
qardaşlarımızın sevgisini izləmisiniz. Bu, əslində tarixin bizə
yükləmiş olduğu həyəcan, coşqudur. Ankaranın şərqindəki və
şimalındakı bütün coğrafiyalar qəlbimizin bir hissəsi, qərbindəki
və cənubundakı bütün coğrafiyalar isə digər hissəsidir. İnsan
qəlbini parçalaya bilərmi? Qazi Mustafa Kamal Kərkükə qədər xətti
cızmadımı? Kərkük türkmanları orada deyildimi? Mosulda deyildimi?”,
- deyə Ərdoğan Balkanlara səfərini xatırlayıb, həmçinin, Osmanlı
imperiyasının sərhədlərinə işarə edib.
Türkiyə prezidenti daha sonra Şimali İraqda kürd muxtariyyətinin
rəhbərliyinə səslənib: “Birinci Körfəz müharibəsində Şimali
İraqdakı kürd qardaşlarımıza sərhədi açdıq. Eyni zamanda, İraqdan
qaçan 250 min insana da qapılarımızı açdıq. Şimali İraq Kürd
Muxtariyyəti ilə illər boyunca çox yaxşı əməkdaşlıq etdik. Maliyyə
məsələsində çətinlik çəkdilər, “məmurlarımızın maaşını ödəyə
bilmirik” dedilər. Bizdən kredit istədilər, böyük kredit verdik. Bu
gün Türkiyə niyə sərhədini bağlayır? Bu suala cavabı onlar
verməlidir. Məsələni bu nöqtəyə biz yox, onlar gətirdilər. Bölgənin
fərqli kimliyini nəzərə almadan, maraq arxasında qaçanlar tarix
önündə cavab verəcəklər. “Kərkük mənimdir” deyil. Axı sənin nə işin
var Kərkükdə? Biz orada PKK-ya, İŞİD-ə, Suriyada isə YPG-yə aman
verməyəcəyik. Biz gecə qəfil gələrik, lazım olanı edərik. İdlibdə
etdik. Bundan sonra da edərik. Biz mərkəzi İraq hökumətinə ehtiyac
olanları göndərəcəyik, mərkəzi hökumət də Şimali İraqa yardım
edəcək. Oradakı xalq da onlara lazımı dərsi verməlidir. Kürd
qardaşlarımızın öz gələcəkləri üçün ən doğru qərarı verəcəklərinə
inanıram”.
Asif
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov
-
Səhiyyə18 Mart 18:40
Azərbaycanda dərmanlarla bağlı YENİ QAYDA