Ordu irəliləyir, əhali üsyan edir - Bərzanini DEVİRƏCƏKLƏR - FOTO
Bizi izləyin

Dünya

Ordu irəliləyir, əhali üsyan edir - Bərzanini DEVİRƏCƏKLƏR - FOTO

Şimali İraq Kürd Muxtariyyətinin lideri Məsud Bərzanini devirə bilərlər.

Publika.az
xəbər verir ki, Bərzani rejiminin işğal etdiyi əraziləri azad etmək əməliyyatına başlayan İraq ordusu və Haşdi Şabi qüvvələri artıq Türkiyənin sərhədinə doğru yaxınlaşır. Kərkükün ardınca Altınkörpü və Kuştəpəni peşmərgədən alan İraq ordusu Mosul sərhədi yaxınlığındakı Zahoya doğru irəliləyir. Bağdadın Mosul sərhədinin qərb kəsimini peşmərgə və PKK-dan aldığı deyilir. Hədəf Türkiyə sərhədinə çıxış əldə ediləcək Ovaköy yolunu təmizləməkdir.



İraq ordusundakı mənbə Türkiyənin Habur sərhəd keçid məntəqəsinin açıldığı bölgənin tamamilə peşmərgədən təmizləyəcəklərini və Zaho bölgəninə çatmağa çox yaxın olduqlarını deyib.

Hazırda Ərbillə Kərkük arasındakı bütün yollar kəsilib. Taktakın da Bərzanidən alınması ilə Süleymaniyə-Kərkük xətti də tamamilə bağlanıb. Son məlumatlara görə, Kuştepedən geri çəkilən peşmərgə Səddam Hüseyn dövründən qalma körpüləri yandırıb. Partladılan körpülərdən biri də Kərkük ilə Ərbil arasında quru yolu təmin edən Hindistan körpüsüdür. Körpüləri partlatmaqda məqsəd İraq ordusunun Ərbilə yolunun kəsilməsidir.



Tələbaninin partiyası olan Kürdüstan Yurdsevərlər Birliyi Bərzaniyə qarşı çox sərt açıqlamalar verir.

Bu yaxınlarda vəfat edən Cəlal Tələbaninin oğlu Bafel Tələbani “Biz İraq hökuməti ilə razılaşdıq. Bərzani hansı güclərlə necə razılaşdığını açıqlamalıdır” deyə bildirib.

C.Tələbaninin qardaşı oğlu Lahor Tələbani isə Bərzaninin neft oğrusu adlandırıb.

“Bərzaninin əgər qüruru varsa, istefa verməlidir. Kürd övladları onun ehtirası üçün ölmək məcburiyyətində deyil”, - deyə o bildirib.

Kərkükün ardınca əhəmiyyətli neft sahələri olan Taktak, Zummur, Batme və Ayn Zaleyi də itirən Bərzani cəbhədə böyük məğlubiyyət yaşayır.


İraq ordusunun Ərbilə girəcəyindən qorxan kürd xalqı isə baş verənlərə görə Məsud Bərzanini ittiham edir. Ərbildəki təşvişin ən vacib səbəbinin isə “çevriliş ehtimalı” olduğu deyilir. Şəhərdə üsyanın başlaya biləcəyi qorxusu var. Məlumatlara görə, hazırkı vəziyyəti görən əhali keçirilən referendumdan peşman olub. Peşmərgə güclərinin də içində Bərzaniyə qarşı çıxanların olduğu deyilir. Kürdlər “referendum keçirilməsəydi nə Kərkükü, nə də neft qaynaqlarını itirərdik. Bütün günah Bərzanidədir. Və o, dərhal istefa etməlidir”, - deyə etiraz edirlər.

Asif

Oxumağa davam et
Reklam
Reklam

Gündəm