Dünya

Rusiya, İran və Türkiyə razılığa gəldilər - YENİLƏNDİ

19 Noyabr 2017 16:52

Rusiya, İran və Türkiyənin xarici işlər nazirləri Antalyada bütün məsələlərlə bağlı razılıq əldə ediblər.

Report TASS-a istinadən xəbər verir ki, bunu Rusiyanın XİN rəbəri Sergey Lavrov deyib.

Lavrov bildirib ki, sözügedən üç ölkənin baş qərargah rəisləri noyabrın 22-də Soçidə keçiriləcək sammit öncəsi görüşərək Suriyada deeskalasiya zonalarının işinin detallarını müzakirə edəcəklər.

"Rusiya, Türkiyə və İranın baş qərargah rəisləri də noyabrın 22-də Soçidə keçiriləcək sammitə hərbi xətt üzrə hazırlıq qismində öz görüşlərini keçirəcəklər", - deyə o əlavə edib.

***

Türkiyənin Antalya şəhərində üç ölkənin xarici işlər nazirlərinin görüşü başlayıb.

Publika.az xəbər verir ki, görüşdə Türkiyə, Rusiya və İran xarici işlər nazirlərinin görüşü keçirilir. Nazirlər Suriya böhranının nizamlanmasına və noyabrın 22-də Soçidə keçiriləcək İran-Rusiya-Türkiyə sammitinə dair məsələləri müzakirə edirlər.