Dünya

Çeçen mücahidlərlə Kadırov tərəfdarları Ukraynada üz-üzə gələ bilər

5 İyun 2014 17:06

“Donbasda ruspərəst separatçılar tərəfində vuruşanlar qəhrəman çeçen millətini təmsil edə bilməzlər”.

Publika.az “CECHENNEWS” agentliyinə istinadən xəbər verir ki, “Azad Qafqaz” təşkilatı belə bir bəyanatla çıxış edib. Bəyanatda həmçinin bildirilir ki, əsl çeçenlər azadlıq uğrunda mübarizə aparan Ukrayna xalqının yanında olacaq.

Xəbər verilir ki, Avropada mühacirətdə olan çeçenlər Ukraynanın müdafiəsi üçün Cövhər Dudayev adına beynəlxalq batalyon yaradıblar. Artıq batalyona 300-dən çox çeçen döyüşçü yazılıb. Batalyona general İsa Munaev başçılıq edəcək. Tezliklə çeçen döyüşçülər Ukrayna ordusu ilə birgə əməliyyatlara qatılacaqlar.

Xatırladaq ki, 1 iyunda Çeçenistan prezidenti Ramzan Kadırov da bəyanat yaymışdı ki, Ukraynaya 74 min döyüşçü göndərə bilər. Odur ki, Ukraynada hərbi əməliyyatlarda Çeçen mücahidlərlə Kadırov tərəfdarlarının üz-üzə gələcəyi istisna edilmir.

İlqar Atabəyli