• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Separatçıların hərbi texnika karvanı məhv edilib

  • Dünya
  • 6 İyun 2014 11:29
  • 366 Baxış
Separatçıların hərbi texnika karvanı məhv edilib

Ukrayna Silahlı Qüvvələrinin aviasiyası bu gecə Luqansk vilayətində separatçıların mövqelərinə hava zərbələri endirib.

Publika.az-ın unian.net saytına istinadən verdiyi məlumata görə, bu barədə Hərbi-siyasi Tədqiqatlar Mərkəzinin rəhbəri, “İnformasiya müqaviməti” qrupunun koordinatoru Dmitri Tımçuk “facebook” səhifəsində yazıb.

Onun məlumatına görə, aviazərbələr nəticəsində separatçıların 2 hərbi bazası, 3 yük maşını və 1 zirehli texnikası (BTR) məhv edilib. Hərbi ekspert yük maşınlarında 12,7 kalibrli “Utes” pulemyotlarının olduğunu qeyd edib.

“Həmçinin 10 yük maşını və bir zirehli maşının Rusiyadan Ukrayna ərazisinə keçmək cəhdinin qarşısı alınıb. Təlaşa düşən separatçılar Rusiya Federasiyası ərazisinə geri çəkilməyə məcbur olub”, – Tımçuk yazıb.

Xatırladaq ki, dünən Ukrayna daxili işlər naziri Arsen Avakovun məsləhətçisi Anton Qeraşenko Rusiyadan Ukraynaya keçməyə cəhd edən hərbi texnika karvanlarının havadan endirilən zərbələrlə məhv ediləcəyi barədə xəbərdarlıq etmişdi.

Ömər Dağlı

Xəbər lenti

DAHA ÇOX XƏBƏR