Dünya

AŞB-ın Qara Dənizdə rus donanmasına qarşı yeni silahı – lazer topu (Foto/Video)

7 İyun 2014 14:34

ABŞ-ın Fars körfəzində keşik çəkən gəmilərinin birində yeni silah, lazer silahı quraşdırılıb.

Bu silah həm düşmən katerlərini, həm də döyüş təyyarələrini məhv etməyə qadirdir. Düzdür, bu silahla hələ ki səs sürəti ilə uçan raketləri və təyyarələri vurmaq mümkün deyil. Lakin hərb sənayesi lazer silahını zaman keçdikcə təkmilləşdirəcək.

Konqresmenləri sevindirən əsas məsələ silahın ucuz olması ilə bağlıdır. Lazer silahı ilə bir atəş cəmi 2 dollara başa gəlir. Halbuki kiçik radiuslu adi raketlə atəş açmaq dövləti 1,5 milyon dollar xərcə salır. Digər tərəfdən lazer topunun mərmiləri də qurtarmır. Gəmi enerji istehsal etdikcə atəş davam edir.

Xəbərlərə görə, Rusiya-Ukrayna münaqişəsi başlayandan hadisələri diqqətlə izləyən ABŞ lazer silahı quraşdırılmış hərbi katerlərdən birini artıq Qara dəniz hövzəsinə göndərib. Sözsüz ki, bu, rus donanması üçün ciddi təhdiddir.

İlqar Atabəyli