Rəsmi Pekindən ABŞ-a SƏRT İTTİHAM
Bizi izləyin

Dünya

Rəsmi Pekindən ABŞ-a SƏRT İTTİHAM

Rəsmi Pekin Amerikaya məxsus hərbi gəminin Cənub Çin dənizindəki Parasel adasının yaxınlığından keçməsi ilə əlaqədar ABŞ-ı Çinin suverenliyini və beynəlxalq hüququ kobud şəkildə pozmaqda günahlandırıb.

APA-nın verdiyi xəbərə görə, bu barədə Çin Müdafiə nazirliyinin rəsmi nümayəndəsi bəyan edib.

“ABŞ-ın “Higgins” esminesi Çin hökumətinin razılığı olmadan Parasel adalarına yaxınlaşıb. ABŞ gəmisi Çinin qanunlarını, beynəlxalq hüququn müvafiq normalarını, ölkənin suverenliyini kobud şəkildə pozub, qeyd olunan sularda sülhə və sabitliyə təhlükə yaradıb”, deyə Çin rəsmisi bildirib.

Bundan əvvəl ABŞ-ın “Higgins” hərbi gəmisi rəsmi Pekinin Cənubi Çin dənizində öz maraq zonası saydığı mübahisəli adaların 12 mil (22 km) yaxınlığından keçib.

Qeyd edək ki, Cənubi Çin dənizindəki bir sıra adalara Çin, Filippin, Malayziya, Bruney və Vyetnam iddia edir. ABŞ rəsmi Pekini Cənub Çin dənizində süni adalar yaradaraq orada hərbi obyektlər inşa etməkdə ittiham edir.

Oxumağa davam et
Reklam
Reklam

Gündəm