Dünya
Kərkükdən özəl xəbər: “İraq bölünəcək, bizi kürdlərə verirlər”
Özlərini “İraq və Şam İslam dövləti” adlandıran İŞİD qruplaşması Mosulu işğal etdikdən sonra Kərkükə doğru yol alıb. Artıq bir neçə kəndin işğal edildiyi haqda məlumatlar var.
Kərkükdən olan jurnalist Şəmsəddin Küzeci
Publika.az-a özəl açıqlamasında bölgədəki durumu
şərh edib. Onun sözlərinə görə, İŞİD bəzi bölgələrə, xüsusilə ərəb
və sünni bölgələrinə girə biliblər: “Bir neçə türkmən-bayat
kəndlərini – Yeniçi, Basqallını də işğal ediblər. Lakin Kərkükün
mərkəzində heç bir problem yoxdur. Bu saata qədər Kərkükə daxil ola
bilməyiblər”.
Ş. Küzeci hesab edir ki, İŞİD digər bölgələrə girə bilsə də,
Kərkükə qədər gəlib çıxa bilməyəcək.
“Bura qədər uzun bir məsafə var, həm də bu məsafəni qət etmək üçün gərək müxtəlif bölgələrdə savaşa. Digər tərəfdən, İraq ordusu Kərkükdədir. Buna görə düşünmürəm ki, onlar mərkəzə qədər gələ bilsinlər”,– deyə o bildirib.
Kərküklü jurnalist ordakı türkmənlərin köçdüyü xəbərlər barədə
də danışıb. Bildirib ki, mərkəzdə heç bir köç yoxdur. Onun
sözlərinə görə, Kərkükün xarici bölgəsində köç yaşanır ki, bu da
hər zaman baş verən təbii bir prosesə çevrilib.
Kərkükdən olan siyasi şərhçi Özdemir Hürmüzlü isə
Publika.az-a maraqlı açıqlama verib. Siyasi şərhçiyə görə, İraq
ordusu Mosuldakı kimi İraqda da heç bir müqavimət göstərmədən geri
çəkilir: “Kərkükün mərkəzində sakitlikdir. Amma İŞİD Kərkükə bağlı
Havica, Zap, Riyad kimi bölgələri ələ keçirib. Ən maraqlısı isə bu
bölgələrdə olan İraq ordusu heç bir müqavimət göstərmədən geri
çəkildi. Bir növ, qoyub qaçdılar”.
Ekspert qeyd edib ki, İŞİD Kərkükə daxil olarsa, bundan ən çox
zərər çəkən türkmənlər olacaq. Çünki türkmənlərin əlində heç bir
silah yoxdur və özlərini müdafiə edə bilməyəcəklər. Amma ərəblərin
silahı var, kürdlərin isə silahlı polis dəstələri fəaliyyət
göstərir. Bizim isə heç bir şeyimiz yoxdur. Bizim müdafiəsiz
qalmağımızın günahkarı İraq hökuməti və kürdlərdir”.
Ö. Hürmüzlü bildirib ki, ortada gizli bir anlaşma var: “İraq bölünəcək və Kərkük kürdlərin əlində qalacaq. Çünki Kərkükdə hər şey kürdlərin idarəsi altındadır”.
Asif Nərimanlı
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir
-
Magazin110:05
Elza qəzəbləndi: "Küçə sözlərinə əl atırlar" - VİDEO