Dünya
“Qardaşlar” elektrikli polad divarla ayrıla bilər
Dneprepetrovsk vilayəti dövlət administrasiyasının sədri İqor Kolomoyski Donetsk, Luqansk və Xarkov vilayətlərinin Rusiya ilə sərhədində divar inşa etməyi təklif edib.
Publika.az-ın unian.net saytına istinadən verdiyi məlumata görə, Dneprepetrovsk vilayəti divarın texniki-iqtisadi əsaslandırması barədə mühəndislik layihəsini Ukrayna prezident administrasiyasına təqdim edib.
Onun sözlərinə görə, məhz “Mannergeym xətti” Finlandiyanı Stalindən xilas edib: “Ukrayna da özünü Putindən qorumaq üçün belə bir xətti tikməlidir. İsrail-Fələstin sərhədində tikilən divar da terrorçuların hücumlarını dəf etməyə imkan verir”.
Layihəyə görə, tikanlı məftillərlə təmin edilən və poladdan olan divarın 5-6 ay ərzində inşası nəzərdə tutulur. Dinc sakinlərin və heyvanların maneəsiz keçməsi üçün imkan yaradılmalıdır. Qazılan xəndəklər isə zirehli texnikanın keçməsini qeyri-mümkün etməlidir. Polad divara elektrik cərəyanı da buraxıla bilər.
Divar Ukrayna ordusu, Sərhəd Xidməti və Milli Qvardiya tərəfindən mühafizə ediləcək. İ.Kolomoyski bildirir ki, layihənin icrası Rusiyadan terrorçuların, həmçinin silah-sursatın Ukraynaya keçməsinin qarşısı alına bilər.
1920 kilometrlik Rusiya-Ukrayna dövlət sərhədi boyunca inşa edilməsi təklif olunan divarın dəyəri təxminən 100 milyon avro təşkil edəcək. “Dnepr-1” xeyriyyəçilik fondu da layihəni maliyyələşdirməyə hazır olduğunu bildirib. Fonddan bildirilib ki, bunun üçün Ali Baş Komandanın icazəsi lazımdır.
Ömər Dağlı
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ
-
Nida Xəbər 07:50
Peter Siyartonun Azərbaycana rəsmi səfəri başladı
-
Sağlamlıq07:10
Yabanı halda bitən bu bitki xərçəng hüceyrələrini 48 saatda məhv edir!
-
İdman06:40
Bellinqem bu gözəllə münasibətə başladı - FOTOLAR
-
Ekopublika.az06:10
Bakıda taksi qiymətləri BAHALAŞDI - SƏBƏB
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR