• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Sığınacaq istəyən erməni: “Azərbaycana köçmək üçün 20 il gecikmişəm”

  • Dünya
  • 14 İyun 2014 11:25
  • 1 511 Baxış
Sığınacaq istəyən erməni: “Azərbaycana köçmək üçün 20 il gecikmişəm”

“Mən Azərbaycana köçmək üçün 20 il gecikmişəm”.

Publika.az erməni mediasına istinadən xəbər verir ki, bu barədə Azərbaycandan siyasi sığınacaq almaq istəyən Ermənistanın Tavuş vilayəti başçısının sabiq məsləhətçisi Lübix Çubuxçiyan deyib. O, hakim Respublika Partiyasından istefa bəyanatını partiyanın Tavuş vilayət təşkilatının rəhbəri Samuel Arakelyana təqdim edib.

Çubuxçiyan bəyanatında bildirib ki, Respublika Partiyasının Ermənistanda yaradılması ideyasını irəli sürən ilk təşəbbüskarlardan biri o olub: “1987-ci ildən bu günə kimi Milli Təhlükəsizlik Xidməti məni ona görə izləyir ki, guya, mən bu ölkənin dağılması istiqamətində fəaliyyətlə məşğul oluram. Məni həbsxanaya sən saldırdın. 1990-ci ildə mer olaraq sən məni qəbul etmədin və Aşot Navasardyanla məni hədələdin ki, binanı tərk etməsək, polis çağıracam. Mənə “Paykar” qəzetinin yaradılması ilə əlaqədar bir neçə dəfə sui-qəsd də edilmişdi. Sonra 10 il həbsxanada qaldım. İndi sən öz şoumenlik istedadın sayəsində partiyanın vilayət təşkilatının rəhbərisən.

Sən və köməkçilərin Serj Sərkisyanın böyük miqdarda səs toplaması üçün camaata rüşvət paylayırdınız. Yaxın günlərdə sənin təşkil etdiyin sui-qəsd nəticəsində mən işimi, evimi, şərəfimi və bütün imkanlarımı itirdim və Azərbaycandan siyasi sığınacaq almaq üçün xahiş etdim. Öz mənəvi simama görə mən sizdən fərqli olaraq dələduz və şərəfsiz ola bilmirəm. Sizin davranışlarınıza beynəlxalq instansiyada baxmaq lazımdır. Mən əsasını qoyduğum partiyadan öz ərizəmlə çıxdığımı bəyan edirəm”.

L. Çibuxçiyan qeyd edib ki, onun 20 illik iş stajına 25 min dram hesablayırlar.


Asif

Xəbər lenti

DAHA ÇOX XƏBƏR