Şok: Türkiyə ərazisinin bir hissəsini kürdlərə bağışlayır
Bizi izləyin

Dünya

Şok: Türkiyə ərazisinin bir hissəsini kürdlərə bağışlayır

“Türkiyə İraqın süqutunu qəbul edəcək, amma yalnız kürd ambisiyalarının öz ərazisinə daxil olmaması şərti ilə buna razılıq verəcək”.

Axar.az xəbər verir ki, bu açıqlama ilə erməni analitiki Naira Ayrumyan çıxış edib.

O, Türkiyənin öz torpaqlarını qorumaqdan ötrü ərazisinin bir hissəsini güzəştə gedəcəyini söyləyib:

“İraq faktiki olaraq üç yerə parçalanır. Ona görə də Türkiyə kürd və sünni liderləri ilə danışıqlara tələsir. Türkiyə İraqın süqutunu qəbul edəcək, amma yalnız kürd ambisiyalarının öz ərazisinə daxil olmaması şərti ilə buna razılıq verəcək. Aydındır ki, Türkiyədə keçiriləcək seçkilər İraqın parçalanması və Kürdüstan dövlətinin yaranması ilə eyni vaxta düşəcək. Bəs Türkiyənin əraziləri yeni kürd dövlətinin tərkibinə daxil olacaqmı? Bu bəzi analitiklər tərəfindən istisna edilmir.

Türkiyə parlamenti artıq Öcalanla danışıqlar üçün fəaliyyətə başlayıb. Buradan belə anlamaq olar ki, Birinci Dünya Müharibəsindən 100 il sonra Türkiyə özünü qorumaqdan ötrü ərazisinin bir hissəsini kürdlərə verə bilər. Amma bir şey var: Türkiyə Kürdüstana Qərbi Ermənistanı da (ermənilər hələ də Türkiyənin şərq vilayətlərini “Böyük Ermənistanın” tərkib hissəsi hesab edirlər – red.) bağışlayacaq. Region dəyişir. Türkiyə diplomatiyası hadisələrə yetişə bilmir. İraqın parçalanması regional partlayış üçün detonator rolunu oynaya bilər və Ankara ilə Moskva bundan xeyli ziyan görəcəklər”.

Oxumağa davam et
Reklam
Reklam

Gündəm