Dünya

Ukraynada daha bir körpü partladıldı

8 İyul 2014 00:47

Ukraynanın şərqində gün ərzində üç dəmir yol körpüsü partladılıb.

Publika.az-ın məlumatına görə, partlayışlar nəticəsində Ukraynanın Luqansk və Donetsk ərazilərində yerləşən körpülər ciddi zədələr alıb.

Bazar ertəsi naməlum şəxslər Ukraynanın Donetsk ərazisinin Novobaxmutovkasının yaşayış məntəqəsi ərazisində Slavyanskdan Mariupola gedən dəmir yol körpüsünü partladıblar.

Bu haqda Donetsk ərazisinin avtomobil yolları xidməti xəbər verib.

Xəbərdə bildirilir ki, partlayış nəticəsində körpü tamamilə dağılıb. Partlayış zamanı dəmiryol xəttində yük vaqonları olub. Vaqonlar yola düşməsə də əyilmiş konstruksiyalar sallanıb və ciddi ziyan çəkib.

İndi partlayış baş verən yol hissəsində hərəkət dayandırılıb. Hal-hazırda zərər çəkənlər haqqında məlumat yoxdur.

Daha əvvəl Ukraynanın Donetsk və Luqansk sahələrində bir neçə dəmir yol körpüsü də partladılmışdı.