• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Jirinovskinin “sağ əli” qətldə şübhəli bilinir

  • Dünya
  • 10 İyul 2014 11:54
  • 411 Baxış
Jirinovskinin “sağ əli”  qətldə şübhəli bilinir

Jirinovskinin partiyasının üzvü, Rusiya Dumasının deputatı Aleksey Mitrofanov qətl hadisəsində şübhəli bilinir.

Publika.az “Kommersant” qəzetinə istinadən xəbər verir ki, qətlə yetirilmiş biznesmen Oleq Derqilyovun həyat yoldaşı Olqa Derqilyova baş prokurorluğa Mitrofanovdan şikayət yazıb.

Xəbər verilir ki, 2013-cü il oktyabrın 10-da Samara şəhərində alkoqollu içkilərin satışını həyata keçirən marketlər şəbəkəsinin sahibi Oleq Derqilyovun avtomobili üzlərində maska olan naməlum silahlılar tərəfindən saxlanılıb. Onlar biznesmenin əllərini bağlayaraq meşəyə aparıb, sonra onu güllələyiblər.

Olqa Derqilyova Rusiyanın baş prokuroru Yuri Çaykaya yazdığı şikayətdə göstərib ki, deputat Mitrofanovun qətllə bağlılığını araşdırmaq lazımdır. Mitrofanovun Derqilyovu öldürtmək üçün motivləri olub. Belə ki, ərinin ölümündən sonra qadın evdə bəzi sənədlər tapıb. Sənədlərdən aydın olur ki, biznesmen ölümündən əvvəl Aleksey Mitrofanova milyon yarım avro məbləğində borc verib.

Mitrofanov iddia edir ki, borcu qaytarıb. Ancaq bunu təsdiq edən heç bir sənəd yoxdur.

İlqar

Xəbər lenti

DAHA ÇOX XƏBƏR