Ərdoğanla Ruhani Fələstindən danışdı
Bizi izləyin
Kanon

Dünya

Ərdoğanla Ruhani Fələstindən danışdı

Qəzza böhranı ilə bağlı Türkiyə Baş naziri Rəcəb Tayyib Ərdoğan ilə İran Prezidenti Həsən Ruhaninin telefon danışığının detalları İran mediasında yayımlanıb.

Axar.az xəbər verir ki, Mehr xəbər agentliyinin yaydığı məlumatda Ərdoğan və Ruhani Qəzzaya hücumların dayandırılması, təcili olaraq atəşkəs rejiminin təmin edilməsi və İslam ölkələri başda olmaqla dünya ölkələrinin təcili olaraq bu istiqamətdə cəhdlər edilməsinin vacibliyini vurğulayıb.

Hər iki ölkə lideri Qəzza xalqına təcili olaraq humanitar yardımların çatdırılması üçün hərəkətə keçməyin önəmindən danışıb.

İran prezidenti görüşdə müdafiəsiz qalan uşaq, qadınların qətlə yetirilməsinin qəbul edilə bilməz olduğunu, bunun da beynəlxalq qayda və prinsiplərə uyğun gəlmədiyini söyləyib. Ruhani sonda Ərdoğana bölgədə təsiredici gücə malik iki böyük müsəlman ölkəsi olan İran və Türkiyənin bu istiqamətdəki vəzifəsini xatırladıb.

Oxumağa davam et
Reklam
Reklam

Gündəm

Kanon