Dünya
Malayziya təyyarəsini vuranların səs qeydləri yayıldı
Ukrayna Milli Təhlükəsizlik Xidməti separatçıların ölkənin şərqində Malayziya təyyarəsinin vurulmasından sonrakı telefon danışıqlarını yayımlayıb.
Publika.az-ın “RBK-Ukrayna” xəbər agentliyinə istinadən verdiyi məlumatlara görə, qurumun rəsmi saytında verilən səs qeydlərində Rusiya vətəndaşı Bezlərin liderlik etdiyi qrupun təyyarəni vurduğuna dair hesabat verdiyi eşidilir.
Səs qeydlərinə görə, yerli vaxtla saat 16:40-da separatçıların lideri Bezlər Rusiya hərbi kəşfiyyatında çalışan polkovnik Vasiliy Gareninə vəziyyət barədə xəbər verir. Malayziya təyyarəsini Ukrayna ordusuna məxsus “An-26” təyyarəsi hesab etdiyi üçün vurduğunu ifadə edən Bezlər hadisə yerinə getmədiyi üçün əlavə məlumatın olmadığını söyləyib. Qarşı tərəf isə yalnız pilotların vəziyyəti ilə maraqlanıb.
Bir başqa qeyddə isə “Mayor” kod adlı separatçı “Grek” kod adlı şəxslə vurulan təyyarə barədə danışırlar. “Mayor” kod adlı şəxs israrla təyyarədə silah olub-olmadığını soruşur. “Grek” isə həmsöhbətinə vurulan təyyarənin hərbi təyyarə olmadığını bildirir.
Xatırladaq ki, Ukraynada “Buk” zenit-raket kompleksi ilə vurulduğu bildirilən “Boing-777” sərnişin təyyarəsi Amsterdam-Kuala-Lumpur reysi ilə uçurdu. Təyyarə Rusiya sərhədinə yaxın ərazidə düşüb.
Ukrayna daxili işlər nazirliyindən verilən məlumata görə, təyyarədə
ekipajla birlikdə olan 295 nəfərdən sağ qalan olmayıb. Təyyarənin
10 min metr yüksəklikdə vurularaq düşürüldüyü bildirilir.
Ömər Dağlı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda AİLƏ FACİƏSİ: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”