“HƏMAS” İsrailə qarşı çağırış etdi

“HƏMAS” Qərbi Şeria bölgəsindəki tərəfdarlarını İsrailə qarşı mübarizəyə çağırıb.

Publika.az xəbər verir ki, təşkilatın sözçüsü Fevzi Berhum yazılı açıqlamasında bildirib ki, Qərbi Şeriadakı xalqımızı Qəzzada həqiqi zəfər əldə etmək üçün kütləvi olaraq ayağa qalxmağa və İsrail düşmənlə hər cür savaşmağa çağırırıq.

Qeyd edək ki, bu bölgə İsraillə sərhəddə yerləşir.

Bundan əvvəl Qəzzaya dəstək məqsədilə “48 minlik yürüş” şüarı ilə Ramallahdan Qüdsə getmək istəyən minlərlə fələstinli Kalendiyada İsrail əsgərləri ilə qarşılaşıb və atışma baş verib.

İsrail əsgərlərinin etirazçıları dağıtmaq üçün həqiqi və plastik mərmi, gözyaşardıcı qaz bombası və təzyiqli sudan istifadə etməsi nəticəsində 2 fələstinli həlak olub, 5-i ağır olmaqla 200 nəfər yaralanıb.

Qərbi Şeriada itən 3 yəhudinin 18 gün sonra ölüsünün tapılmasının ardından fələstinli gənc Muhamməd Əbu Hudayr qaçırılıb və yandırılaraq öldürülüb.

İsrail bu hadisələrdən sonra “Qoruyucu xətt” adı altında Qəzzaya havadan və qurudan hücumlara başlayıb. Hücumlar nəticəsində 805 nəfərin öldürüldüyü, 5 mindən artıq fələstinlinin yaralandığı deyilir.

Asif