Dünya
Prezidentlərin Soçi görüşü: (TAM VİDEO)
Xəbər verdiyimiz kimi, bazar günü Rusiyanın Soçi şəhərində Azərbaycan Prezidenti İlham Əliyev və Ermənistan Prezidenti Serj Sarkisyan arasında Dağlıq Qarabağ münaqişəsinin həlli istiqamətində danışıqlar olub.
ANS PRESS-in məlumatına görə, Azərbaycan və Ermənistan
prezidentləri Dağlıq Qarabağ münaqişəsinin həllinin vaxtı çatdığını
və onun Rusiyanın köməyilə tez bir zamanda həll edilməsini hesab
edir. 3 tərəfli görüşdə bu bəyanatla çıxış edən Rusiya prezidenti
Vladimir Putin deyib ki, İrəvan və Bakıda problemin həlli üçün
sağlam iradə mövcuddur:
“Azərbaycan prezidenti problemin sülh yolu ilə həllinin vacibliyinə
diqqət çəkib və siz indi bu barədə danışdınız. Bu, həqiqətən də ən
başlıcasıdır, çünki insanların ölümündən böyük faciə yoxdur. Əgər
ürəkdən istək olsa, dondurulmuş bu problemi də yerindən tərpədib
həll etmək olar. Bunun üçün istər Azərbaycan, istərsə də Ermənistan
xalqının istəyi olmalıdır”.
Azərbaycan prezidenti İlham Əliyev Rusiyalı həmkarına müraciət
edərək deyib ki, bu məsələ həddən artıq uzanıb, Ermənistan silahlı
qüvvələri 20 ildən artıqdır ki, Azərbaycan torpaqlarını işğal
altında saxlayır.
Azərbaycan Respublikasının Prezidenti İlham Əliyevin sözlərinə görə, danışıqların formatı və həlli üçün hüquqi baza mövcuddur: “Düşünürəm ki, Rusiya bizim yaxın dostumuz, qonşumuz və müttəfiqimiz olaraq bu prosesdə xüsusi rol oynayır və yaxın vaxtlarda bu problemin sülh yolu ilə həllinə nail olacağımıza ümid edirəm. Həll variantı beynəlxalq hüquq və ədalət prinsiplərinə uyğun şəkildə olmalıdır”.
Ermənistan prezidenti Serj Sarkisyan bu dəfə də beynəlxalq hüququ
pozduqlarını ört-basdır etmək istəyib. O, münaqişənin kompromis
yolu ilə ATƏT-in Mİnsk qrupunun həmsədrlərinin təklif etdiyi
prinsiplər əsasında həll edilməli olduğunu desə də, Azərbaycan
tərəfini ittiham etməkdən çəkinməyib:
"Biz əgər 1990-cı illərə qayıtsaq, deyə bilərik ki, o vaxtlar
kiməsə yaxşı olub, kiməsə pis, bunları deməyin yeri yoxdur. Əgər
yenidən bir-birimizi ittiham etsək, bu münaqişə öz həllini
tapmayacaq”.
Rusiya dövlət başçısı son olaraq münaqişənin həllində beynəlxalq
əməkdaşlığı alqışladığını və məsələnin sülh yolu ilə tezliklə həll
ediləcəyinə dəstək verməkdə davam edəcəyini əlavə edib.
ANS Soçi görüşünün səkkiz dəqiqəlik tam videosunu təqdim edir.
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası28 Mart 20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art28 Mart 19:36
Azərbaycan və Türkiyə birgə film çəkəcəklər - ADI AÇIQLANDI