Dünya

Ukraynada 22 separatçı öldürüldü

21 Avqust 2014 09:48

Ukraynanın könüllü Donbas batalyonu və ordu qüvvələri İlovaysk şəhərinin üçdə ikisinə nəzarət edir.

Axar.az Korrespondent-ə istinadən xəbər verir ki, bu barədə batalyonun rəsmi Feysbuk səhifəsində məlumat verilib.

“Şəhərin üçdə ikisi bizim əlimizdədir. “Azov” və “Dnepr” batalyonları şəhərdən çıxarılsalar da, separatçıların şimal tərəfdən əks-hücumlarının qarşısı alınır. İki saatlıq döyüş zamanı separatçıların iki tankı məhv edilib, ikisi təslim olub, ikisi də geri çəkilib”, - məlumatda bildirilib.

Eyni zamanda qeyd olunub ki, İlovaysk ətrafında “Donbas” döyüşçüləri 22 separatçını məhv ediblər. Onlardan ikisi çeçen, ikisi isə serb əsilli Slovakiya vətəndaşı olub.