• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Şərqi Avropada yeni ittifaq ideyası

  • Dünya
  • 21 Avqust 2014 08:52
  • 467 Baxış
Şərqi Avropada yeni ittifaq ideyası

Böyük resurslara malik olmaqla və bütün böyük oyunçuların, transmilli korporasiyaların bu resurslara maraqlarını hiss edərək, Rusiya öz siyasi sistemini yeni reallıqlara uyğunlaşdıra bilmədi”.

Axar.az xəbər verir ki, bu açıqlama ilə ukraynalı politoloq Yuri Romanenko çıxış edib. O, yeni geosiyasi platformanın yaranacağını bildirib:

“Ukrayna üçün ciddi imkanlar pəncərəsi açılır və məncə, biz bunları reallaşdırmağa çalışacağıq. Bu Ukrayna-Belarus əlaqələrinin formalaşdırılmasıdır. Əgər biz bunu reallaşdırsaq, o bizə Rusiya və Avropa İttifaqına qarşı güclü mövqe ortaya qoymağımıza imkan verəcək. Hər şey yolunda getsə, o zaman biz Şərqi Avropa İttifaqı tipində bir şey yarada bilərik. Baltikyanı, Belarusiya, Ukrayna, Türkiyə arasında münasibətlərin möhkəmlənməsi daha mühüm bir region oyunçusu kimi yeni geopolitoloji konstruksiyanın yaranmasına gətirib çıxaracaq. Bunun başında ABŞ dayanacaq, regional müttəfiqlər sırasında isə Türkiyə, Polşa, Ukrayna və digərləri olacaq ki, onlar da bu platformaya can atacaqlar. Belə bir kontruksiyanın formalaşması qlobal turbulent zonasının sakitləşməsindən sonra, yəni 2020-ci ildən sonra mümkün ola bilər”.

Politoloq Rusiyanın çöküşünün mühüm əhəmiyyət daşıdığını deyib:

“2020-ci ildə biz vətəndaş müharibələrinin hətta regional və qlobal savaşların da şahidi ola biləcəyik. Bu isə “Avrasiyanın xəstə adamı” - Rusiya məsələsi həll olunmayana qədər bitməyəcək. 19-cu əsrin sonu 20-ci əsrin əvvəllərində “Avropanın xəstə adamı” isə Osmanlı imperiyası idi. Rusiya da ona bənzəyir. Böyük resurslara malik olmaqla və bütün böyük oyunçuların, transmilli korporasiyaların bu resurslara maraqlarını hiss edərək, Rusiya öz siyasi sistemini yeni reallıqlara uyğunlaşdıra bilmədi. Bu isə öz növbəsində daxili risklər yaradır ki, indi də onlar daxili oyunçular tərəfindən qızışdırılacaqlar. Onlar Rusiyanın zəifləməsində, dünya sistemində destabilazasiya yaratmasının qarşının alınmasında maraqlıdırlar. Bununla da ya o itməlidir, ya da ki, dünya siyasətinə təsir edəcək intrument olan nüvə silahı riski yoxa çıxarılmalıdır”.

Xəbər lenti

DAHA ÇOX XƏBƏR